Home Deporte Parlamentario Endy Croes ta pidi ayudo di man boluntario pa pone terenonan...

Parlamentario Endy Croes ta pidi ayudo di man boluntario pa pone terenonan cla pa campeonato

44
0
SHARE
- Advertisement -

ORANJESTAD (AAN) – Aruba Softball Bond ta trahando duro pa por cumpli cu tur rekisitonan Internacional pa un Campeonato Femenino Mayor di CONSUSRA.

Aruba pa promer biaha den historia lo “host” un campeonato Internacional bou di reglamento di WBSC ( World Baseball and Softball Confederation) y CONSURSA cu ta Confederacion Sur Americana de Softbol.

Na October 2017 durante un Congreso Mundial na Botswana Africa Aruba a logra ricibi e oportunidad como Pais pa organiza e campeonato aki. Un total di 8 Pais lo ta na Aruba 27 di October pa 2 di November pa competi contra otro.

Argentina, Brazil, Peru, Venezuela, Colombia, Panama, Curacao y Aruba lo ta e Paisnan cu lo ta compitiendo. Pa “host” un campeonato di e magnitud aki Aruba mester cumpli cu hopi rekisitonan den regla internacional.

Pa e razonnan aki Aruba Softball Bond a hasi yamada na diferente atletanan miembro pa hunto a base boluntario cuminsa traha y drecha e veld di Dragon Hitters na Barcadera ( X Duracell) cual lo ta un di e terenonan cual lo wordo uza pa e campeonato aki den combinacion cu e terenonan na Pos Chiquito.

Parlamentario Endy Croes mes durante weekend tabata activo dirigiendo y trahando riba dicho tereno pa por tine cla na tempo. Hungadornan di entre otro Royal Power Tat fat Home Depot tabata presente pa duna un man.

Diasabra awor ASB ta hasi apelacion na tur su atletanan pa pasa un rato bin tur hunto duna un man pa nos por termina e trabaonan. Enbista cu pais ta den crisis ta buscando sosten basando nan mes riba man boluntario pa por logra nan metanan.

Pa locual ta e campeonato mes tanto Gobierno y SSC a duna nan compromiso di lo carga parti di gastonan total. Bunita ta cu tur hobennan do Aruba pais ta ricibi e oportunidad di mira dicho competencia cual por desemboca na stimula nos hobennan pa practica deporte y competi contra otro paisnan na un manera sano.

Deporte den combinacion cu educacion ta e yabi pa exito di cualkier nacion.

- Advertisement -

DUNA COMENTARIO

Please enter your comment!
Please enter your name here