Home Politica Parlamentario Sneek ta opina cu Gobierno di AVP a gasta placa ora...

Parlamentario Sneek ta opina cu Gobierno di AVP a gasta placa ora a manda Rocco Tjon bay specialisa

236
0
SHARE
- Advertisement -

ORANJESTAD (AAN):  Ta un hecho sin duda, cu gobierno di AVP ora cu a tuma e decision algun aña atras di manda lider di fraccion di MEP, Rocco Tjon bay specialisa su mes riba entre otro traha cu ‘grafieken’, cu esey tabata placa benta afo.

Lider di fraccion di AVP, Marlon Sneek a mustra cu ta increibel y mas cu tur cos, sumamente tristo, pa mira un lider di fraccion wordo manipula y uza manera cu nan kier, pa pasa pa payaso den e caso di rapport cu Banco Central a emiti.

“Nos no por caba di compronde, con un miembro di parlamento, lider di fraccion di MEP, por wordo manipula asina facil asina directo y bisto manera ta e caso du Rocco Tjon, pa trata di influencia e pensamento di pueblo riba e curso negativo cu su gobierno ta hibando e pais.

Pa mas di dos siman caba cu rapport evaluacion di Banco Central a keda publica, nos por a mira lider di fraccion di MEP ta haciendo tur esfuerso riba ordo di su gobierno, pa trata di desvia e atencion cu cosnan ta bayendo rumbo robes.

Riba dje manera un mucha manda, Tjon ta bay sinta dilanti di prensa, trata di splica cu algun di grafieknan cu lider di AVP a uza, no ta di Banco Central, trata di duna e impresion cu e cosnan aki ta malo, mientras cu den e carta di BC cu su gobierno a manda pidi e banco publica, ningun pero ningun caminda ta papia cu e cifranan cu AVP a uza, ta cifranan incorecto.

Pues cu grafiek of no, cifranan ta alarmante, e perspectiva economico y comercial ta den un spiral negativo y esey ta trabou di Rocco Tjon pa yama su gobierno aden un pidi splicacion y aclaracion di con cosnan ta bayendo malo cu e pais aki desde su gobierno ta na mando.

Traha cu grafiek ta algo natural, algo logico y tur hende por haci esaki y riba dje nos tin cu bisa cu den pasado Rocco Tjon a wordo manda pa exterior pa e specialisa su mes riba e tereno aki, cual lo a yude den su funcion cu e tabata ocupa.

Pero esaki nos ta realisa awor cu tabata placa benta afo, mal gasta riba un persona cu ta prefera di presta su mes pa wordo manipula pa su gobierno na luga di Sali na defensa di pueblo, na defensa di e interes general di nos pais.

Otronan di fraccion di MEP ta lanta tur dia, net dilanti di tratamento di presupuesto 2019, creando scenarionan cu nan mes ta inventa, pa asina kita atencion di pueblo di e desaster cu gabinete Evelyne Wever Croes ta creando den e pais.

Un di nan ta lanta tur dia papia di investigacion, papia di fraude di tereno, papia di cosnan di cual e mes ta wordo investiga pa nan y caminda e tabata envolvi den investigacionnan grandi di fundacionnan den cual e tabata meti y awor kier pasa pa hende bon sin Sali na vanguardia y defensa di pueblo.

E crisis cu partido MEP ta papiando di dje tur dia tin un solo nomber y esaki ta Crisis Gabinete Evelyne Wever Croes, un set di sinberguensa cu ta ranca di cartera di pueblo pa financia nan maneho propio.

Kico e maneho aki ta di gabinete Evelyne Wever Croes, financia recompensa, salario y contractnan pa amiog- y famianan, pa sponsor- y doñonan di partido mientras cu pueblo tin cu sufri e consecuencia di esaki.

Awe segun cifra oficial di Banco Central, pueblo tin 10% menos pa gasta ya cu inflacion a bay para te eynan y pa tur cos cu pueblo haci, e tin cu duna gobierno 10% di su placa pa amigo y famianan sigui progresa, sigui enrikece nan mes mientras cu no tin net nada pa pueblo.

Ta sumamente tristo cu pueblo di Aruba tin representantenan di pueblo den Parlamento cu no tin interes di pueblo na pecho y ta permiti nan mes wordo uza pa gobierno manera un set di marioneta cu mester por sa miho cu esey,” lider di fraccion di AVP, Marlon Sneek a declara.

 

 

- Advertisement -

DUNA COMENTARIO

Please enter your comment!
Please enter your name here