Home Parlamento Parlamento kier yuda e cunukeronan pasobra Agricultura ta e futuro

Parlamento kier yuda e cunukeronan pasobra Agricultura ta e futuro

27
0
SHARE
- Advertisement -

Parlamentario Tevreden:

ORANJESTAD (AAN):  Hendrik Tevreden como presidente di e comision fiho di Agricultura den Parlamento ta bay sinta den e luna aki na mesa cu ‘United Farmers’, cu ta tur e cunukeronan na Aruba cu a uni nan mes den un comision.

“Nos ta bay sinta cu nan, pasobra nos ta kere cu ta importante pa Aruba enfoca riba Agricultura”.

“Nos ta pensa cu esaki ta e futuro y cu akinan ta e caminda unda cu nos tin cu pone energia”.

“Gobierno di Aruba ta hasiendo su parti, pero nos di Parlamento tambe kier contribui y den e comision aki  nos ta bay debati y mira con leu e cunukeronan ta y mira con for di Parlamento nos por yuda nan y asesora nan”, segun Tevreden, kende kier envolve nan cu e plan yama ‘Habitat’, cu tan un plan dedica specialmente na e cunukeronan local.

E intencion ta pa pusha nan den e direccion di hasi agricultura na un forma inovativo, moderno y high-tech cu tur tipo di innovacion, pa nan por drenta e epoca nobo di Agricultura.

 

- Advertisement -

DUNA COMENTARIO

Please enter your comment!
Please enter your name here