ORANJESTAD (AAN): Dialuna mainta tabata tin un ceremonia special unda personal di Guarda Nos Costa a haya nan uniform nobo.
Minister di Husticia, Andin Bikker tabata presente y a enfatiza cu e trabao di Guarda Nos Costa ta hopi importante mirando e trend cu tin cu e entrada di ilegalnan den e ultimo lunanan.
E trabao di GNC ta asina importante pa mantene ordo y respet na e isla. Otro siman, ademas di e uniform lo inaugura e unidad nobo cual ta nifica mas espacio pa loke ta e detencionnan te ora cu yega e momento di expulsa esnan deteni, Minister Bikker a indica.
El a agrega cu tur esaki a wordo poni como un prioridad pa e personal di GNC por eherce nan trabao. Opleiding, bevordering ta algun di e puntonan cu e mandatario a trece dilanti.
E condicionnan di trabao mester ta optimal, segun Minister Andin Bikker. El a gradici esnan trahando na Guarda Nos Costa pa e trabao cu nan ta ehecuta
