ORANJESTAD (AAN): Segun Dr. Cesar Perez, psikiatra di Departamento Social Sikiatrico, marihuana ta e droga cu ta na prome lugar den uzo. Practicamente un 95% pa 98% di e adictonan a cuminza usando marihuana.
Mas tanto e muchanan den un edad tempran di nan a bisa a cuminza usando marihuana.
Perez a opina cu e legalizacion di e uso di marihuana ta trece un risico hopi grandi pa bay uza cada dia mas marihuana.
Banda di esaki a indica cu “si no ta bay calcula, si no ta bay investiga tur e dañonan cu alcohol ta haci den un comunidad, alcohol ta causa 5, 6 biaha mas daño cu e daño cu ta causa tur e droga ilegal hunto”.
Esey ta e risico cu por pasa tambe cu marihuana. Marihuana ta e droga mas suave, despues pa via di adiccion mes nan ta sinti e necesidad pa busca algo mas fuerte. Nan ta haya algo mas fuerte cu nan ta sigui uza y eynan bo ta haya tur e adictonan cu bo ta haya awe ariba caya”, e psikiatra a expresa.
