Home Politica Premier Wever-Croes mustrando cu CAft a duna conseho positivo pa presupuesto 2019

Premier Wever-Croes mustrando cu CAft a duna conseho positivo pa presupuesto 2019

188
0
SHARE
- Advertisement -

ORANJESTAD (AAN): Diaranzon mainta, Prome Ministro Evelyn Wever-Croes a divulga riba social media algo cu e ta considera como bon noticia.

Esey ta cu CAft a duna un conseho positivo riba presupuesto 2019. Nan ta confirma cu e presupuesto basa riba un deficit di 25 miyon (0.5% GDP) ta realistico, cu Gobierno ta haci bon di ta cauteloso den proyeccion di crecemento economico (1%).

Pero segun Wever-Croes, lo mas importante ta cu Gobierno aki ta cumpli cu palabracionnan haci cu Hulanda y pues no ta spera problema riba e tereno ey. Esaki ta trece mas trankilidad.

Nan tin recomendacionnan pa mehora e situacion financiero di nos pais y nos ta trahando riba esakinan.

Segun Wever-Croes, nan a splica CAft cu te asina leew nan por bay. Mas cu esaki  pueblo no por carga. Ta hopi importante pa señala cu den e presupuesto 2019 lo no tin mas aumento di belasting.

Nos ta wardando riba e rapport di IMF pa reforma di belasting pa haci e sistema di belasting mas husto. Awor nos falta e conseho di Raad van Advies pa despues Parlamento trata e presupuesto.

E conseho di CAft ta worde publica dia 23 di october. Cu esaki nos ta pone Aruba poco poco pero sigur back riba e rumbo corecto cu mester saca Aruba for di e debe cu a redobla y crea bienestar y progreso pa cada ciudadano di nos dushi Aruba.

“Nos no a sali di e crisis financiero ainda, pero nos ta riba e bon rumbo,” ta loke Wever-Croes a finaliza bisando.

- Advertisement -

DUNA COMENTARIO

Please enter your comment!
Please enter your name here