Home Cultura Presidente di Fundacion Rancho contento cu logronan despues di dos aña

Presidente di Fundacion Rancho contento cu logronan despues di dos aña

45
0
SHARE
- Advertisement -

ORANJESTAD (AAN):  Centro di Actividad Rancho a tene un “open dag” diamars ultimo y riba esaki su presidente Clifford Rosa a splica DIARIO cu esaki ta den cuadro di e celebracion di nan di dos aña.

Actualmente nan ta hopi contento di ta den un edificio cu ta un momento y cu ta danki na un famia unda tin hopi storia di e cas aki y e fundacion por a haya oportunidad di por mantene un parti di locual ta e historia material y banda di esey di traha riba e parti inmaterial, Rosa a señala.

Centro di Actividad Rancho a wordo crea pa por ofrece workshops, lezing y duna informacion den diferente forma na comunidad.

Dos aña despues por bisa cu tin logronan. Por mira hopi actividad cu tin biaha mester haci un “pilot project” pa wak si ta bay y asina a organiza diferente proyecto unda por constata cu ta un necesidad pa e mehoracion di e bario, Clifford Rosa a remarca.

Fundacion Rancho ta contento di por mira e desaroyo di Centro di Actividad. No ta mescos cu un centro di bario, pero algo cu mester crea su mes di un manera unda tin variedad di actividad, pero tambe cu e comunidad cu ta participa na dje, a bisa.

Ta bezig pa duna un oportunidad na e creatividad. Por wak cu tin artistanan envolvi y por aprecia arte den un residencia. Di a manera aki ta combina arte, cu cultura y un otro variedad di cosnan pa mehoracion di e bario di Rancho.

- Advertisement -

DUNA COMENTARIO

Please enter your comment!
Please enter your name here