Awor tin tambe Carnival Harbour Arena pa tur eleccion , tumberito y tumba
ORANJESTAD (AAN) — Mirando e programa cu a wordo presenta diadomingo pa carnaval 2019, celebracion di carnaval 65, por ripara cu nada nobo a wordo introduci y ta e mes secuencia casi tradicional di actividadnan pero si cu un lugar nobo pa actividad. Esaki ta Harbour arena cu ta bira Carnival Harbour Arena.
E prome actividad ta dia 5 di januari cu ta Parada di Flambeu di Entertainment Center pa Ex DOW. E siman despues, diasabra 12 di januari tin eleccion di Prins y Pancho den e Carnival Harbour Arena y e diasabra despues mes caminda lo tin eleccion di reina infantil y eleccion di reina hubenil.
Diahuebs dia 24 di januari lo tin den e Carnival Harbour Arena e eleccion di reina di Carnaval 2019 y su diasabra siguiente dia 26 di januari Tumberito y diadomingo 27 di januari parada di Blaas na San Nicolas.
Februari ta habri dia 1 cu Sunset Parade na noord y dia 2 den e Arena tin Concurso di Tumba diasabra y diadomingo dia 3 concurso di calypso y roadmarch di mucha den Carnival Village.
Tin programa di dialuna 4 pa diahuebs 7 di februari Pre-Final di Caiso& Soca, pues 4 anochi proyecta y pa e final diasabra 9 di februari tur den Carnival Village y mes dia tin merdia e parada di mucha na Noord.
Diabierna dia 15 di februari tin e jump up den Santa Cruz bao di e nomber La Ora loca y diadomingo dia 17 Transfer of Command y Parada di mucha na Playa di Entertainment Center pa ex DOW.
Diasabra dia 23 Jouvert Morning for di 3 or di madruga y anochi na Playa Lighting Parade tambe di AEC pa ex DOW.
Diadomingo dia 24 di februari tin Parada di mucha na San Nicolas sigui pa Kimamento di Momito den Carnival Village y diahuebs dia 28 di februari Parada di luz na San Nicolas.
Den luna di maart, diasabra dia 2 lo tin Parada Grandi na San Nicolas, diadomingo dia 3 Parada Grandi na Playa, sigui pa Kimamento di Momo den Carnival Harbour Arena.
