Home Policial Razzia den madruga pa detene 2 sospechoso hoben di atraco

Razzia den madruga pa detene 2 sospechoso hoben di atraco

1676
0
SHARE
— Dos hoben deteni den razzia di madruga.
- Advertisement -

ORANJESTAD (AAN): Autoridadnan hudicial di Cuerpo Policial, ta sigui demostra cu nan ta trahando duro, ora tras ora, pa busca un solucion pa e recien racha di atraco cu a sacudi pueblo.

E atraconan a pone ciudadanonan bira hopi cauteloso awor.  Specialmente desde cu e atraco a socede na un Foodmart na Tanki Leendert, unda un di e atracadornan hopi delega y parce hopi hoben, a los tiro den e lugar.

Siguiendo tip, y tambe intuicion di e oficialnan hudicial, riba Diabierna mainta a tene un razzia inespera riba un cas, unda cu e habitantenan tabata drumi e momento ey.

E asina yama entrada hudicial, a sirbi como un wake-up call pa e personanan na e cas.  Aki personal di Atraco Team bon arma, a handsup tur hende, y na final a detene dos sospechoso cu nan tabata buscando.  Nan ta wordo sospecha di ta envolvi den e recien atraconan cometi riba e isla.

Nan ta forma parti die localnan  cu a worde deteni caba un paar di dia pasa.

Ta trata di e sospechoso J.A.R.P., naci na Aruba na aña 2002, pues e tin apenas 16 aña di edad.  Tambe a detene e sospechoso J.S.D. naci na Aruba na aña 1996, pues e tin 22 aña di edad.

Mas informacion Atraco Team no a suministra, pa asina no stroba e trabao di e team investigador.  Pero nan a bisa cu nan ta trahando incansablemente pa asina resolve e casonan di atraco.

Cuerpo Policial Aruba ta gradici pueblo di Aruba cu semper ta yuda cu tips pa asina por pone man riba e sospechosonan mas lihe cu ta posibel. Un biaha mas si bo tin informacion tocante casonan yama e Tip-Line di polis cu ta 111-41.

- Advertisement -

DUNA COMENTARIO

Please enter your comment!
Please enter your name here