Home Impuesto Servicionan di DIMP awor ta disponible na MFA Santa Cruz

Servicionan di DIMP awor ta disponible na MFA Santa Cruz

35
0
SHARE
- Advertisement -

ORANJESTAD  (AAN): Dialuna MFA Santa Cruz a habri y tin basta cliente a bin. Jamil Werleman, coordinador tecnico y hefe interino di MFA, a splica cu nan a pidi hopi pa servicio di Departamento di Impuesto. Werleman a splica cu esaki a wordo bon ricibi y nan ta contento cu MFA Santa Cruz ta un edificio nobo. El a agrega cu lo bay tin hopi actividad den dje.

Loke cu tin den e edificio actualmente ta Hulpbestuurskantoor, Departamento di Impuesto. Den futuro lo bay tin DRH y tambe Postkantoor. Tin tambe e cafetaria, cual ta di Healthy Choices, di Maureen Laaf-Ras.

Tin un tiki problema si den e sistema di cue flow, pero ta yegando na comunicacion cu Setar, mirando cu nan ta provee e sistema eynan. Te asina leu, tur hende ta contento. Full Aruba mester ta contento cu e edificionan di MFA.

Ya caba durante apertura di MFA na Santa Cruz, tin un exposicion. Ta trata di bukinan cu muchanan a traha. Pueblo ta mas cu bon bini pa bin tira un bista.

Pa loke ta reunion, MFA tin dos sala multifuncional. E ta bon pa organisacionnan cu kier haci reunion of cualkier sorto di actividad.

Segun Edward Fowler, aunke cu nan ta encarga cu IT, hopi cos no tabata den nan man. A haya hopi reto pa cambia e edificio bieu di Hulpbestuurskantoor. E exigencianan pa MFAnan ta hopi halto. No tabata kier pa MFA ta un kantoor pafo di kantoor. E ta un parti integral di loke ta Camacuri. Unico cos ta cu e persona ta sinta pafo di edificio di Camacuri. Pero e tin e mesun velocidad di e transmision di e liñanan, por duna e mesun servicionan. Ta mescos cu ta na Camacuri, unico diferencia ta cu e ta den comodidad di bo bario.

Por tuma nota cu e servicio di conexion ta hopi mas stabil. Unico problema cu a bin haya den e ultimo añanan, desde cu a cuminsa cu e MFA nan, ta ora cu coriente bay den e bario. Loke cu ta yama cu sistema ta cay, e velocidad di e liñanan, awor aki cu e tecnologia cu ta usando, e ta mucho mas rapido y mucho mas stabil. Esey tambe ta un di e bentahanan cu tin awor aki cu e sistemanan cu ta usando pa e MFA nan.

Segun Fowler, e idea primordial ta pa tin tur e servicionan, mescos cu ta na e oficina principal. Unico cos cu tin mester, ta e personal encarga pa haci’e. Idea ta pa tin e flexibilidad ey pa por adapta e pakete di servicio lo mas posibel sin cu mester bay sinta pensa cu esey ta posibel of esey no ta posibel. A haci’e netamente cu e idea di flexibilidad eynan, el a splica.

 

- Advertisement -

DUNA COMENTARIO

Please enter your comment!
Please enter your name here