Home Social The Ritz Carlton Spa ta sostene e lucha contra cancer di pecho...

The Ritz Carlton Spa ta sostene e lucha contra cancer di pecho y la lanza nan “Power Yourself Promotion”

47
0
SHARE
- Advertisement -

Pamper bo mes y sostene Mary Joan Foundation

ORANJESTAD (AAN):  The Spa, ubica na The Ritz Carlton Hotel tambe ta sostene e campaña di concientizacion durante e “Breast Cancer Awareness Month” y den cuadro di esaki a lanza un promocion special.

Julika Thijsen, Senior Marketing Coordinator di e hotel a duna di conoce cu a bin cu e idea, den cuadro di e luna aki di concientizacion, pa ofrece algun tratamento unda un parti di e placa recauda lo wordo duna na Mary Joan Foundation.

Pa esaki, a bisa, a sinta cu esnan di e fundacion, a propone e idea y asina a crea e “Power Yourself Pink Promotion”. The Ritz Carlton Spa ta ofreciendo dos tratamento special: “Pretty in Pink Massage” y “Positively Pink Facial”.

E “Pretty in Pink Massage” ta un tratamento relahante cu tur hende mester experiencia. Bo por kies entre un massage di 50 minuut of di 80 minuut. Esaki ta un “aromatherapy massage” cu sigur lo empodera bo. Bo lo por scoge tambe e azeta cu lo wordo uza ariba bo curpa cual ta un mezcla di azetanan exkisito cu lo yuda bo elimina cualkier tension. E massage aki ta inclui un “scalp massage” complementario. Abo lo sali full renoba.

Pa loke ta e “Positively Pink Facial” mester bisa cu ta un massage purificado, hidratante,  y suavizante cu sigur lo laga bo radiante. Esaki tambe ta inclui un “scalp massage” complementario.

Cu tur dos opcion bo lo haya un ” welcome pink champagne”. Cu esaki kier sostene e luna di concientizacion y apoya e causa importante aki.

“Mi kier invita pueblo pa pasa cerca nos spa pasobra cu e iniciativa aki no solamente e hotel ta contribui pero tambe nos guestnan. E prijs cu ta cobra ta un “flat rate”, kiermen no lo tin cobranza adicional” Julika Thijsen a subraya.

Celebra fortaleza, speranza y perseverancia y bira parti di e bunita iniciativa aki hunto cu The Ritz Carlton Hotel. Haci bo reservacion awe mes y sostene e lucha contra cancer di pecho.

E promocion special aki ta bay ta andando henter luna di October.

 

The Spa Boutique

 

Banda di esaki The Ritz Carlton Hotel Aruba ta contento di anuncia cu nan a caba di inaugura nan The Spa Boutique situa na The Shops, banda di Ritual Coffee Culture. Esaki ta un tienda enfoca den tur loke ta productonan pa e cuido di bo cuero, cara, curpa, cual ta wordo uza den e spa, Yahira Santoni, Communication Manager a indica.

El a duna di conoce cu tin un seleccion grandi di producto pa uso personal y tambe pa regalo. Sigur algo hopi conveniente ora di busca e manera pa pamper bo mes of bo sernan keri.

 

 

 

- Advertisement -

DUNA COMENTARIO

Please enter your comment!
Please enter your name here