Home Salud Tin diferente factor cu ta haci cu un persona por haya demencia...

Tin diferente factor cu ta haci cu un persona por haya demencia vascular

24
0
SHARE
- Advertisement -

Sabrina Sonensein:

ORANJESTAD (AAN): Manera ya menciona tin mas di 50 tipo di demencia. Despues di Alzheimer, tin demencia vascular. Na Aruba tin hopi caso di stroke, di diabetes, di problemanan cardiovascular. Mal estilo di bida, segun Psicologo Sabrina Sonensein di Centro di Memoria.

Tin diferente factor cu ta haci cu un persona por haya demencia vascular. E riesgo di mas comun ta edad cu ta bira halto y esey nos ningun no por controla esey.

Tin e aspecto genetico, cu por pasa den un porciento di e casonan, vooral si e mama tin Alzheimer, e chens mas grandi cu e yiu por haya un efecto tempran, cual ta entre 40 y 60 aña.

Centro di Memoria tin un pashent hoben di 52 aña, cual tin Alzheimer. Esey ta un early onset. Esey ta mas genetico, cu ta pasa menos frecuente, pero e tey, segun e psicologo.

Riesgonan cardio vascular, mal estado di bida, personanan cu estadonan socio economico mas abao, kende no por yega asina facil na un dokter of seguro. Esey ta haci cu nan sucu of nan problemanan cardio vascular ta bay hopi mas atras prome cu nan haya ayudo.

Educacion tambe ta hunga un rol. Entre mas un persona stimula su cerebro, menos chens e tin di haya demencia. Mas stimula pa nos tur, ta hopi mas importante.

Hende cu a studia hopi tambe por hay’e. Nan reservanan cognitivo ta hopi mas halto. Durante nan añanan, e neuronanan a traha mas caminda, cu un por tuma over pa e otro. E celnan toch ta haya chens di haci algo pa asina toch por yega na e contesta.

Hopi biaha ta mira na Centro di Memoria hendenan studia. E persona tin manera un tipo di masker, ta haci cu e reservanan cognitivo, toch por cambia e situacion cu hende no por ripara asina lihe. Esey ta den un estado hopi leve di demencia.

Tin casonan mediano te cu hopi serio. Hendenan no kier bin ora cu nan ta hopi na cuminsamento door di sentido di berguensa, of nan mes no ta ripara, of famia no ta ripara hopi biaha.

Pa ora nan yega na Centro di Memoria, ya caba dos pa tres aña a pasa prome cu e diagnostico di demencia ta cla.

E prome cos ta cu nan ta cuminsa lubida. Lubida no cosnan manera cos cu nos por lubida y despues ta corda bek, sino cosnan recien. Por ta kico nan a come mainta of kico nan a haci e dia prome. E memoria ey no ta bin bek. E recordatorio di kico nan a come of kico nan mester a haci of un afspraak, no ta bin bek.

Tin problema di orientacion den tempo. Esey ta nifica cu nan no ta corda ki fecha nos ta, of ki dia, ki ora nan tin afspraak, nan ta keda ripiti e cosnan. Nan tin desorientacion den persona.

Hopi biaha nan no ta corda nombernan di familiar of di nan mes, cual ta un estado mas avansa.

Por ta nan no ta corda con largo nan ta casa of ken ta nan yiunan. Hopi biaha nan ta keda corda cosnan di pasado. Si ta puntra nan algo recien, nan ta bay bek den pasado,ora nan tabata mas hoben. Si nan wak un iPhone di awendia, nan no lo sa pakico esey ta, pasobra nan tin otro bista di kico un telefon ta suppose di ta of un radio.

Cosnan di pasado nan ta keda corda lo mas hopi posibel.

Hopi comportacion ta bin for di nada. Un dia nan ta rustig, despues nan ta bira hopi agresivo. Of tin comportacion cu semper nan tabata tey. Por ehempel si un hende tabata estricto, awo ta bira mas. Ta depende tipo di demencia cu por tabata tin, e fase den cual e ta. Hopi biaha, maske cu no tin cura pa Alzheimer, si tin cierto medicamentonan cu dokternan por prescribi pa alivia e sintomanan of agrevisidad. Door cu nan no por expresa kico nan ta sinti, manera dolor, calor, friu, e persona ta recorda nan na otro hende y esey nan ta expresa den un aspecto agresivo.

E psicologo a splica cu demencia por trece cun’e halucinacionnan. Esey por haci cu e persona ta bruha y ta den un otro realidad y por ta wak un hende como un diabel, etc. E por crea tambe e agresividad den e persona. Tin cu paga tino si ta algo cu ta stroba of ta algo problematico pa e pashent of famia.

Mester sa con pa anda cu e persona. Si e persona ta agresivo no por yega want’e of grit’e. Mester purba hay’e cu su agresividad por baha. E famia conoce e pashent lo mas hopi posibel y nan sa con pa distra’e. Mester distrai e pashent pa asina disuadi e situacion.

 

 

- Advertisement -

DUNA COMENTARIO

Please enter your comment!
Please enter your name here