Home General Trabaonan na Havenstraat a cuminza

Trabaonan na Havenstraat a cuminza

54
0
SHARE
- Advertisement -

ORANJESTAD  (AAN):Departamento di Obra Publico (DOW) a cera Havenstraat dialuna dia 15 di october y ta haci esaki pa 2 siman largo, unda cu lo ta drechando e caminda. E trabounan lo ta tumando luga di 7:00pm te cu 7:00am, unda cu e caminda lo ta cera desde Zara te cu final di Royal Plaza.

Den oranan di anochi automobilistanan lo mester sigui e borchinan di desviacion. Durante oranan den dia automobilistanan cu ta pasa den Havenstraat lo por pasa riba e caminda di trambaan.

Trucknan grandi y bus no ta permiti pa pasa riba e caminda aki, pa motibo cu no tin suficiente espacio. Pa peatonnan a crea un gang pa asina nan por crusa y tin borchinan di indicacion unda pa pasa, tambe ta importante p’e peatonnan no bula baricada.

Diamars mainta te cu oranan di atardi automobilistanan cu ta pasa den Havenstraat mester a haci uzo di e trambaan. Tur esaki ta pa motibo cu e caminda di autonan ta den construccion.

A kita tur pavers y esaki ta contrario na tur e otro biahanan. Aña pasa DOW a drecha e caminda, pero hopi automobilista a keha riba e condicion di e caminda. Pero no a dura hopi cu e pavers a sak. Un biaha mas a base di kehonan cu a drenta, a dicidi cu lo drecha e caminda un biaha mas.

E trabounan a cuminsa dialuna anochi, unda cu polis a cera caminda 7’or di mainta pa asina por traha trankil anochi. Automobilistanan por haci uzo di e caminda di Havenstraat den oranan di mainta trankil y ta pasa riba e trambaan.

Esnan cu ta den e area a bisa 24ora cu e motibo di e trabou ta pa motibo cu lo basha beton. A percura pa traha un gang pa peatonnan cu ta sali for di Renaissance Mall por uza.

E trabounan pa dos siman ta di 7:00pm-7:00am. Polis hunto cu DOW a cera e caminda. Lo ta drechando un biaha mas e caminda cu ta casi 100m. Aña pasa den luna di december a drecha e caminda y a haci esaki un biaha mas awo den luna di october.

Speransa ta cu e dolor di cabes lo ta tras di lomba, pasobra esnan den e area a tende cu lo traha e caminda di beton.  Asina aki e pavers no lo tin espacio pa sak mas y e usuarionan cu ta haci uzo di e caminda aki no lo tin dolor di cabes.

E trabounan lo keda cla dentro di algun dia y asina aki e tram lo por pasa bek riba e trambaan y automobilistanan lo por core bek riba e caminda designa na nan. A opta pa traha den oranan di anochi riba e caminda, unda cu tin luznan pa por haci e trabounan.

 

- Advertisement -

DUNA COMENTARIO

Please enter your comment!
Please enter your name here