Home Labor Trahadornan di ex-Tony Roma’s ainda ta den busca di nan derechonan

Trahadornan di ex-Tony Roma’s ainda ta den busca di nan derechonan

155
0
SHARE
- Advertisement -

ORANJESTAD(AAN): No a tende nada mas di e Restaurant Tony Roma’s. Abogado di FTA, Hose Figaroa a splica cu tabata tin un situacion fastioso caminda cu e compania a cera su portanan.

E trahadonan e ora ey automaticamente no por a cumpli mas cu nan trabao. Hopi update no tin. Actualmente ta bezig cu e grupo di trahado pa yega na otro riba un acuerdo pa loke ta e terminacion di e relacion di trabao, como cu no tin claridad ainda si lo bay habri si of no back, bao di un otro restaurant of algo por el estilo.

Tin un proceso canando na Departamento di Labor unda e dunado di trabao a pidi pa retiro di e trahadonan, pero ta bezig si den negociacion pa un eventual terminacion cu mutuo acuerdo di e trahadornan.

Ta yegando cerca di otro, pero no por a duna detaye, como cu no tin nada fiho.

A compronde di e compania, cu nan ta dispuesto pa paga. Con esaki lo tuma luga, esey no ta mucho cla ainda. Tin negociacionnan ta andando y ta spera cu pronto por sali afo, pa trankilidad di e trahadornan tambe.

E grupo cu Figaroa ta representa ta 15 di 20 y tanto trahado. Tin un grupo cu a tuma un pakete cu e compania a ofrece. E grupo cu FTA ta representa, ta un grupo cu no a yega na un areglo cu e compania ainda, Figaroa a splica.

Motibo di clausura:

Ta worde menciona cu e restaurant no tabata draai manera mester tabata. Den e proceso di Departamento di Labor a trece algun cifra preliminar dilanti, unda ta menciona cu no tabata tin ganashi, al contrario, sino tabata tin perdida di placa. Aunke no por confirma esey, pero esey ta mustra di ta e motibo pa cual a scoge pa no sigui cu e operacion mas di e restaurant.

 

 

- Advertisement -

DUNA COMENTARIO

Please enter your comment!
Please enter your name here