Home Salud Un persona por sufri stress door di su situacion laboral

Un persona por sufri stress door di su situacion laboral

1171
0
SHARE
- Advertisement -

Social Media tambe ta un trigger pa stress, segun experto

ORANJESTAD (AAN):  Hopi hende ta sufri stress door di trabao. Actualmente mayoria di stress ta wordo causa pa problemanan financiero, di balans. Asina Psicologo Diana Wever-Salcedo a duna di conoce durante e conferencia di prensa semanal di Departamento di Salud.

Tin casonan unda tin problema laboral ya sea entre colega, cu hefe, pa motibo di mal entendimento of pa via cu un persona no ta pas den e funcion. “Corda cu nos ta 8 ora pa dia na trabao. Tin biaha nos ta wak mas no coleganan mas biaha cu nos ta wak no mesun famia. Kiermen, e ta un factor grandisimo, pero hopi biaha e ta un combinacion”.

El a agrega cu na Aruba claro cu tin stress. “Nos no ta turista ariba mi isla. Nos no ta turista after all. Nos ta biba akinan, pero hopi biaha e buniteza di e beach y lama nos no ta echt wak’e”.

Pakico awendia tin mas stress cu antes?  E experto a menciona cu social media, tecnologia a colabora hopi cu esaki. Hende ta biba mas pendiente di nan computer, nan smartphone, e chatmento cu famia, trabao, amigonan, sub-chatnan, emailnan, Facebook, Tweeter, Instagram, etc.

Ainda bo ta yega cas despues di trabao y bo ta pending di bo telefon. Hopi hende ta publica nan asuntonan personal riba facebook. Otronan ta purba di maneha esey. Tin personanan ta birando mas honesto riba kico nan ta pasando dia pa dia, pero hopi biaha tecnologia ta pone nan pensa cu por ta diferente y ta cuminza compara bisando cu nan bisa si ta duro, por ehempel.

- Advertisement -

DUNA COMENTARIO

Please enter your comment!
Please enter your name here