Home Cultura Uncle Louis Store ta bay ta un edificio duradero cu panelnan solar...

Uncle Louis Store ta bay ta un edificio duradero cu panelnan solar y un ‘water catchment system’

203
0
SHARE
- Advertisement -

ORANJESTAD (AAN): E edificio na San Nicolas conoci como Uncle Louis Store a wordo cumpra pa Stichting Monumentenfonds y ta bay wordo restaura, despues di cual Directie Natuur en Milieu (DNM) lo wordo ubica eyden.

Durante un conferencia di prensa Diaranzon, presidente di Monumentenfonds Roly Sint Jago a indica cu esaki ta un momento grandi pa e fundacion.

“Uncle Louis Store awor ta un edificio riba e lista di monumentonan y cu esaki nos ta salvaguardia un joya di Aruba pa futuro”.

“San Nicolas di nobo ta haya e oportunidad pa luci cu un monumento mas”.

Esaki segun Sint Jago, kende a sigui bisa cu oficina di arquitecto Archiosa ta bay ta encarga cu e restauracion, cu lo mester cuminza rond di luna di November.

Directora di Monumentenfonds Anne Witsenburg tambe a hiba palabra durante e conferencia di prensa.

Señora Witsenburg a bisa cu a sinta cu Directie Natuur en Milieu for di algun tempo, pa wak kico tur nan tabata kier den e edificio pa ora cu nan drenta.

Entre otro e enfoke ta bay ta pa e edificio ta uno duradero.

Pesey segun Witsenburg, e edificio ta bay tin panelnan di solo, un asina yama ‘green wall’ paden y ta bay purba traha un water ‘catchment system’, unda cu lo uza awacero y tambe awa cu ta Sali for di e airconan di e edificio.

“E ta bay bira un edificio hopi duradero, mientras cu di pafo nos ta cuida e bista di antes”, segun e directora.

 

- Advertisement -

DUNA COMENTARIO

Please enter your comment!
Please enter your name here