Home Policial Video a capta con un mucha muher a mafia celular den Sheriff...

Video a capta con un mucha muher a mafia celular den Sheriff na Ponton

1127
0
SHARE
- Advertisement -

ORANJESTAD(AAN): Tabata Dialuna atardi cu a presenta na Warda di Polis, e ciudadano di inicial L., pa entrega denuncia di ladronicia.

E ciudadano L. a declara cu Dialuna merdia 1:45 pm, el a bay na Sheriff Polleria Aruba na Ponton pa come.

Pa 2:00 pm el a bandona e Restaurant y el a lubida su celular riba mesa. E celular ta color preto Samsung  J8, y ta conecta cu servicio di Digicel.

Ora el a ripara y a core regresa na e Restaurant, el a constata cu su smartphone no ta riba e mesa mas.

El a puntra e personal cu ta sirbi cliente si el a wak su smartphone, y e bendedor a dicidi bay revisa e Security Video di e compania.

E video a capta claramente, con un mucha muher hoben a lanta for di otro mesa, y despues e dama hoben a bay lagando e smartphone riba mesa, por mira con e otro mucha muher a pasa gara e aparato y bay cune.

Segun e empleado e mucha muher hoben  practicamente ta bin busca cuminda tur dia ey nan.

 

- Advertisement -

DUNA COMENTARIO

Please enter your comment!
Please enter your name here