Home arte y espectaculo Actriz Arubiano actuando den serie nobo “Baptiste” di BBC One

Actriz Arubiano actuando den serie nobo “Baptiste” di BBC One

1414
0
SHARE
- Advertisement -

ORANJESTAD (AAN): Bon noticia a drenta e siman aki for di Europa.  DIARIO a bin haya sa, cu un actriz-modelo di Aruba, ta sigui haya rolnan den TV Serie y Peliculanan internacional cu sede na Europa.

Zuleika Coffie di Aruba ta conoci pa su participacion den produccionnan local, manera “10 Ave Maria”, “Walk In My Shoes”, “Stars of Tomorrow”, y tambe e obra teatral “Cambio di Horizonte” y “Libre de Pecado”, y mucho mas den diferente propaganda, videoclipnan local y internacional.

Despues di a haya yiu, Zuleika a cuminza dedica su mes totalmente na e recien naci.

Mientras e tabata dedicando na su yiu, a drenta yamada di un Agencia di Casting cu a pidi pa su yiu actua den “De 12 van Oldenheim” cu ta un TV Serie Hulandes.  A actua tambe den “The Ring” di Bollywood, y despues “Get Lost”, unda Zuleika y su yiu Lilian ta hunto.

Zuleika tey behind-the-scenes cu su yiu Lilian constant ora e ta den pelicula. Ultimo pelicula cu lo sali na 2019 unda Lilian ta actua como yiu di e conocido actor di origen Surinameño Mandela Wee Wee.

Zuleika Coffie mes ta den e siguiente peliculanan pa fin di e aña aki, esta “Bloody Mary” cu rol di prostituta den un produccion Aleman. “The spy who dumped me” como camarera.  Tambe den Nickelodeon serie “Hunterstreet” den museum.

Den e pelicula “100% Coco” e tin un rol di docente na scol di diseño y moda, y esaki a wordo filma na Gerrit Rietveld Academie.

Awor despues di e exitoso serie di “The Missing” di BBC y tambe Netflix, awor nan ta bin cu “The Baptiste”.  Zuleika lo hunga e rol como prostituta den Casa Rosso Amsterdam, y esaki ta un rol chikito.

E actor ganador di premio, Tom Hollander lo tin e rol principal di e drama nobo aki.  E script ta skirbi pa Harry y Jack Williams.

“The Baptiste” tin den rol principal tambe Tchéky Karyo como e investigador cu vision pero cabezura Julien Baptiste.

Productonan ehecutivo di “Baptiste” ta Harry Williams, Jack Williams, Chrisptoher Aird, y Tommy Bulfin.  Productor mes ta John Griffin.

Asina por mira e perseverancia di un Actriz/Modelo Arubiano cu di chikito tabata desea di bira topmodel y pa su estatura 3 cm bou di exigencia mundial, tog a logra hopi y a switch su carera pa bira actriz unda e ta sintie mas na gusto.

Den tur temporada el a traha como actriz y modelo y no ta give-up di busca mas. Tin biaha cu bo ta yega completamente papa muha door di cana den mal tempo, pero esey no ta importante.  Loke ta conta ta cu bo a yega y a persevera pa sigui y finaliza bo rol y trabao dilanti camera.

 

- Advertisement -

DUNA COMENTARIO

Please enter your comment!
Please enter your name here