Home Social Aruba Bank cu felicitacion na participantenan di Kids & Youth Christmas Song...

Aruba Bank cu felicitacion na participantenan di Kids & Youth Christmas Song Festival   

21
0
SHARE
- Advertisement -

ORANJESTAD  (AAN): Diadomingo a tuma luga e Kids & Youth Christmas Song Festival. Ta di 6 aña consecutivo cu Kids radio & tv-show ta organisa e festival na Cas di Cultura, cu muchanan deleitando e publico presente cu canticanan di Pasco.

Kids radio & tv-show ta celebrando e aña aki nan 13 aña den aire, unda semper a trece alegria entre e muchanan. Meta di e festival aki ta pa promove canticanan na Papiamento cu poco poco ta perdiendo, pues e canticanan Clasico di Pasco.

E aña aki a participa 30 participante entre e 3 categorianan di mucha, esta di 4 pa 7, di 8 pa 11 y di 12 pa 17 aña di edad. Den cada categoria tabatin 10 participante. Tur a haci nan maximo esfuerso y a deleita e publico presente, cu a canta hunto cu e muchanan. Danny Koolman a dirigi e All-Star Band y a haci un tremendo presentacion cu e muchanan durante e festival.

Aruba Bank ta orguyoso di por a contribui na e festival y di a sostene e muchanan. Ta felicita e ganadonan di cada categoria y tambe tur participante. Aruba Bank ta orguyoso di mira con e muchanan a canta e canticanan Clasico di Pasco.

 

 

- Advertisement -

DUNA COMENTARIO

Please enter your comment!
Please enter your name here