Home Deporte Aruba ta anfitrion pa di 3 aña consecutivo pa weganan Panamericano di...

Aruba ta anfitrion pa di 3 aña consecutivo pa weganan Panamericano di beach tennis

33
0
SHARE
- Advertisement -

ORANJESTAD (AAN)- Pa di 3 aña consecutivo, Aruba ta afitrion di e weganan Panamericano di beach tennis.

Lo tin un total 10 pais cu lo ta na Aruba pa e torneo aki cu ta cuminsa dia 8 di November te cu 11 di November.

Hunto cu Aruba, Argentina, Brazil, Chile, Colombia, Curacao, Ecuador, Puerto Rico, United States, y Venezuela lo trece nan mihor hungadornan y lo competi den e categorianan di Men’s Doubles, Women’s Doubles, Mixed y Juniors. E aña aki, lo ta e prome biaha cu Curacao tambe ta hunta su mes na e Campeonato.

Desde su comienzo na 2013, Aruba ta e di dos pais despues di Brazil pa organiza e Campeonato aki pa e di 3 aña.  E weganan lo tuma lugar na beach tennis Aruba (ex-tennis courts di Tropicana), cu e opening dia 8 di November pa 7pm.

Desde 9 di November pa 11 di November durante oranan di mainta y atardi, lo por presencia weganan di adulto y tambe di joven. E final lo tuma lugar riba Eagle Beach dia 11 di November pa 4or di atardi.

Seleccion di Aruba tin tempo ta train pa asina prepara pa e gran torneo aki, pa enfrenta e equiponan cu lo bin Aruba pa bataya pa e titulo maximo. Hunto cu nan coachnan Jochem Ros y Maria Buuts, nos equipo di Adulto ta trahando duro. Pa locual ta nos seleccion di U12, U14 y U16, tambe a uni pa asina duna e muchanan e miho training di e coachnan Wayne Tromp, Ronald van Slooten, Aksel Samardzic y Maria Buuts.

E deporte di beach tennis na Aruba tambe ta creciendo na un velocidad rapido. Tin mas y mas interes pa e deporte aki, no solamente como hobby pero tambe di hungadornan cu kier eleva nan nivel y asina sigi competi den e deporte aki riba nivel profesional.

E ta un orguyo cu Aruba por ta e anfitrion pa e campeonato aki un bez mas. Ta spera cu pueblo bay apoya e ekiponan y tambe sigi apoya e deporte aki y nos hungadornan pa nan por desaroya nan talento.

 

- Advertisement -

DUNA COMENTARIO

Please enter your comment!
Please enter your name here