Home General Aruba: Unda hende muher ta lidera

Aruba: Unda hende muher ta lidera

350
0
SHARE
- Advertisement -

Prome Minister Evelyn Wever-Croes den entrevista cu New York Times

ORANJESTAD  (AAN):  Prome Minister Evelyn Wever-Croes recientemente a wordo entrevista door di New York Times riba e tema di hende muher den posicionnan clave den comunidad cu ta trahando riba innovacion y cerando e gap cu tin entre hende homber y hende muher riba e tereno technico. Señora Kelly Hoey di New York Times a entrevista Prome Minister y varios otro hende muher prominente y den posicionnan clave na Aruba.

~ Kelly Hoey di New York Times a entrevista Prome Minister, Evelyn Wever-Croes ~

E articulo cu entrevista cu Prome Minister a sali publica den e edicion di diamars 20 di november di New York Times cu e titulo Aruba: Where Women Lead. (Aruba: Unda hende Muher ta lidera)

E articulo ta menciona muhernan cu mundialmente a eleva na posicionnan di liderasgo manera Margaret Thatcher, Angela Merkel y Michelle Bachelet. Y awo, nos pais tambe ta conta cu un hende muher cu ta lidera un pais pa prome biaha den nos historia.

Pa contesta e pregunta kico ta motibo cu el a drenta política pa asumi un posicion principal pa e país, Prome Minister a expresa cu aunke cu el a lanta den un famia di politiconan, no tabata su intencion pa drenta politica te ora cu el a haya su mes den e posicion cu ya e no tabata tin mas escusa pa no haci’e. “Un hende mester haci’e, bo no por djes keda wak e situacion y keha”, Prome Minister a bisa den e entrevista.
Prome Minister su deseo ta pa mas hende muher drenta den e reto politico. Apesar di ta haya hopi “no” di hende muhernan cu e ta puntra pa drenta politica, e mandatario principal ta encurasha hende muher pa tuma e decision aki y acepta pa drenta politica manera cu el a haci.

 

- Advertisement -

DUNA COMENTARIO

Please enter your comment!
Please enter your name here