ORANJESTAD (AAN): Un anochi sumamente tropical cu e mihor biña a wordo prepara na Papiamento Restaurant, pa e Robert Mondavi Winery’s 50th Anniversary Wine Dinner na Aruba.
Di trempan caba amantenan di biña fini a yega, pa asina haya un splicacion di Kristel v/d Bolscher prome cu cada curso di e cena di anochi.
Kristel ta Mondavi Brand Ambassador. Cu e cena aki, a celebra e pasion y determinacion di Robert Mondavi, cu ta esun cu a pusha biña di Napa Valley pa mundo henter, y di cual su vision ta sigui inspira tur hende awendia.
Cu musica en vivo, amantenan di biña a goza di e mihor di binero di Robert Mondavi, cu cuminda exquisito di Chef di Papiamento Restaurant, cu servicio impecable di nan sirbidornan.
Biñanan sirbi e anochi tabata Robert Mondavi Napa Valley Fume Blanc, tambe Robert Mondavi Napa Valley Chardonnay, sigui pa Robert Mondavi Napa Valley Pinot Noir, y tambe Robert Mondavi Napa Valley Maestro, y na final Robert Mondavi Private Selection Bourbon Barrels Chardonnay y Cabernet Sauvignon.
Na final a laga publico saborea un tiki di Monkey Shoulder blended malt whiskey tambe.
Un pabien na Aruba Trading Company, Robert Mondavi Winery, y Papiamento Restaurant pa e fabuloso evento aki.
