Home Deporte Balashi Sunrise Stingers  campeon torneo na Sint Maarten pa di 2 aña...

Balashi Sunrise Stingers  campeon torneo na Sint Maarten pa di 2 aña consecutivo

96
0
SHARE
- Advertisement -

ORANJESTAD (AAN)- E team di Balashi Sunrise Stingers a bira campeon na e torneo na Sint Maarten pa e di 2 aña consecutivo. Dia 9 di November cu ta e prome dia di wega nan a hunga contra Controllers y nan a gana 12-0. Pitcher ganador tabata Elvis Maduro, mihor bateadornan tabata Ancel Allen di 2-2, Micheal Albus y Kenny Solognier y Franklin Gario di 3-2.

E mesun atardi Balashi Sunrise Stinger a bolbe hunga contra Aruba All Stars y nan a gana 4-3. Pitcher ganador di e wega aki tabata Remigio Kock, mihor bateadornan pa Balashi tabata Lucas Wever di 2-2 cu un homerun y Regalado Martilia di 2-2.

E siguiente dia e torneo a sigui y Balashi Sunrise Stingers a topa e team di Sint Maarten y Balashi Sunrise Stinger a bolbe Sali gana cu score di 6-2. Pitcher ganador tabata Remigio Kock y mihor bateadornan pa Balashi tabata Kenny Solognier cu a bay di 2-2 y Micheal Albus y Vincent Willems y Lucas Wever a bay di 2-1.

Asina e team di Balashi Stinger a yega semifinal y a enfrenta e team di Sint Maarten cu ta Controllers. E score final di e wega aki a sali 12-0 y asina a pasa pa final. Pitcher ganador tabata Elvis Maduro. Mihor bateadornan pa Balashi Sunrise Stingers tabata Kenny Solognier , Micheal Martilia, Ancell Alleyn y Regalado Martilia di 3-2.

Den e partido final Balashi Stinger a hunga contra e Aruba All Stars team. E cabayeronan di Balashi Sunrise Stingers a sa di dal duro y a gana e wega cu e score di 0 pa 2 y asina a titula campeon di e campeonato aki pa 2 aña consecutivo. Pitcher ganador tabata Remigio Kock. Mihor bateadornan tabata Vincent Willems, Micheal Albus di 3-2 y Micheal Martilia y Elvis Maduro di 3-1. Pabien team Balashi Sunrise Stingers cu boso titulo di campeon.

 

- Advertisement -

DUNA COMENTARIO

Please enter your comment!
Please enter your name here