Home Deporte Biba Lekker a pone Balashi bay vloer

Biba Lekker a pone Balashi bay vloer

45
0
SHARE
- Advertisement -

ORANJESTAD (AAN) – Diasabra ultimo por fin, despues di dos intento en vano, di tres biaha si Team Biba Lekker a logra gana nan rival grandi, esta Team Balashi Knights bou liderasgo di Glen “Mobuto” Croes! Cu e speranza cu e dicho Hulandes “driemaal is scheepsrecht” ta berdad, Biba Lekker a presenta yen di animo na 99 Bar & Restaurant.

Cos no a bay facil sinembargo! Wega tabata super preta y cu diferencia minimo Balashi Knight a drenta half time ganando 11-10! Den di dos tempo cos a sigui mes un cuenta… un pa mi un pa bo! Pero, observadornan den publico por a nota den un skina varios integrante di Biba Lekker a logra decifra e “radio Tetra” di Balashi Knights, y a cuminsa capta tur e transmission secreto nan di Balashi! Brasa cruza kiermen manda 5… braza habri manda 6… un dede grawatando nanishi manda 1… etcetera etcetera, y den corto tempo Balashi a bay vloer! Euforia total cerca fanaticada di Biba Lekker, kende por fin ta logra su victoria contra Balashi Knights cu score convincente di 21 – 17!!

Keda pendiente shonnan amante di bon domino, pasobra e temporada di “last lap” ta bay cuminsa na 99 Bar & Restaurant!

 

 

- Advertisement -

DUNA COMENTARIO

Please enter your comment!
Please enter your name here