Home Cultura Buki Festival Voz-i-Landia Escolar cu tremendo homenahe na icono di musica Robert...

Buki Festival Voz-i-Landia Escolar cu tremendo homenahe na icono di musica Robert Jeand’Or

56
0
SHARE
- Advertisement -

ORANJESTAD (AAN):  Buki Festival Voz-i-Landia Escolar a dicidi di haci un homenahe na icono di musica Arubano, Sr. Robert Jeand’Or, riba dia 19 di November cu un show na Cas di Cultura.

Esaki lo ta un anochi musical dedica na ‘Homenahe na Festival Voz-i-Landia Escolar’ y ‘Homenahe na Robert Jeand’Or, Icono Musical Arubano Nacional y Internacional’. Durante e anochi lo tin presentacion di buki Reluci, chispa musical cu ta relata historia y memorianan di Festival Voz-i-Landia Escolar 1981-2015.

Lo presenta un documentario di e desaroyo musical di Robert Jeand’Or como musico-bajista, cantante, salsero, merenguero, tumbero y bolerista.

Un show musical multidisciplinario cu musica, canto, baile, documentario y presentacion di buki, sin falta presentacion di banda musical ‘Robert y su Solo Banda Show’.

Cantantenan manera Rachel Kraaijvanger, Shannon Bueno, Cesar Olarte, Edjean Semeleer, Javier Ras y Nelson Tromp lo duna nan presentacion y Johnny Scharbaay & Friends lo acompaña algun cantante musicalmente.

Grupo Melodia, bao di guia di Rubin Ponson lo deleita publico cu diferente cancion popular. Tin presentacion di grupo di baile Club di Movimiento bao di guia di Samanta Westera.

- Advertisement -

DUNA COMENTARIO

Please enter your comment!
Please enter your name here