Home Cultura Cancionnan tipico ta bayendo perdi ya cu no ta haya un grupo...

Cancionnan tipico ta bayendo perdi ya cu no ta haya un grupo tipico ta toca manera antes

201
0
SHARE
- Advertisement -

Fabian Ras di Union di Tipiconan Arubiano

ORANJESTAD (AAN): Fabian Ras, presidente di directiva di Union di Tipiconan Arubiano tabata presente durante e famoso Ambiente musical cu nan a yama Fiesta Tipico den bo Bario.

E dia ey a toca Centro di Bario Noord cu 12 agrupacion. Dia 16 di December lo clausura e fiestanan tipico na Centro di Bario Brazil mientras cu dia 29 di December lo tin  e Festival di Dande di Brazil. Kiermen, e directiva tin dos actividad mas prome cu fin di aña, Sr. Ras a indica.

Nan ta hopi satisfecho, a agrega, ya cu nan a cuminza na Augustus na Brazil. Despues nan a bay Centro di Bario Savaneta, Sport Boys y awo nan a bay Centro di Bario Noord.

Ya caba nan a cuminza cu nan jaarplan pa 2019. Na Januari nan lo ta cu actividad na Centro di Bario Playa Pabao, na April nan lo ta na Centro di Bario Dakota, na Juni Sport Boys y na Juli atrobe na Noord.

Segun Fabian Ras, a lanta e directiva pasobra a mira cu no tin hopi actividad pa e gruponan tipico, sino ta deramento di gai of dande pa fin di aña. Centro di Bario Brazil a bin cu e idea y a yama tur e representantenan di e gruponan y nan a keda reuni tur siman.

Na juli a bin forma un directiva di 7 miembro cu 4 of 5 comisario. Segun Ras, e cancionnan tipico ta bayendo perdi ya cu no ta haya un tipico ta toca manera antes.

 

- Advertisement -

DUNA COMENTARIO

Please enter your comment!
Please enter your name here