Home Turismo Caribbean Palm Village a celebra nan huespednan fiel

Caribbean Palm Village a celebra nan huespednan fiel

12
0
SHARE
- Advertisement -

ORANJESTAD (AAN): Huespednan di Caribbean Palm Village Resort ta invita tur siman pa e Manager’s cocktail party caminda nan ta socialisa cu otro huespednan y tambe cu miembronan di gerencia mientras nan ta disfruta di cocktails y algun snacks.

Tambe nan a celebra Thanksgiving Day recientemente di e manera mas original, cu Mislady Fingal di Activities como maestra di ceremonia.

Mislady a organiza un scavenger hunt cu premionan atractivo den e hardin di e hotel, mandando e huespednan den diferente direccion en busca di tesoronan scondi, manera un calacuna, un boter di biña y algun t-shirt di Aruba. Riba potret por mira e staff y e ganadornan.

E hotel a probecha di e festividadnan pa gradici Señora Johanntges y Señora Rappoport pa nan 30 feliz añanan di miembresia y nan lealtad na e hotel, hunto cu Ed Hayes, Presidente di Directiva, Astrid Muller, Gerente General Interino.

E village encantador di vacacion situa na Noord, originalmente inspira pa South Beach y e districto di Art Deco na Miami, ta continua di ta e anfitrion di multiple generacion di huespednan como un oasis di diberticion, trankilidad y comunidad.

 

- Advertisement -

DUNA COMENTARIO

Please enter your comment!
Please enter your name here