ORANJESTAD(AAN): Den tur e 17 hurisdiccionnan cu CIBC First Caribbean ta funciona, ta haci tipo di caminatanan aki, manera “Walk for the cure”, den luna di October. Tur isla cu tin e banco aki ta haci’e.
Esaki ta como concientisacion riba e malesa di cancer. Tur donacion cu e ticketnan cu bende, ta wordo duna na un ke otro instancia cu ta bezig cu cancer. E biaha aki e donacion lo bay ta pa Stichting pa Cancer di Prostaat.
Giovanni Atencio, Country Head na CIBC First International, a splica cu ta algo cu ta purba di haci miho cu nan por. Tur esaki ta pa obranan caritativo. Esaki tabata e ultimo caminata cu e banco a haci pa e aña. Nan ta haci dos actividad pa aña.
E prome tabata un baile. Tur loke cu a gana durante e actividadnan aki ta bay bek pa e fundacion cu e banco ta sponsor.
Pa 2019 ya tin algun cos den mente caba, cu eventualmente lo revela despues.
