Home Gobierno Comision a keda lanta pa traha riba e tema di Inclusion

Comision a keda lanta pa traha riba e tema di Inclusion

123
0
SHARE
- Advertisement -

Prome Minister mr.Wever-Croes:

ORANJESTAD (AAN) — Minister Presidente mr. Evelyn Wever-Croes y Minister di Finanzas mr. Xiomara Ruiz-Maduro, a participa Diahuebs, den e conferencia di prensa di gobierno, di Diahuebs.

Prome Minister a inicia e conferencia di prensa cuminzando cu e tema social.

INCLUSION:

E mandatario a declara cu Diaranzon tabata un dia hopi importante, pasobra gobierno a tuma un paso hopi importante pa loke ta trata inclusion di personanan special, na Aruba.

El a menciona cu ya caba algun luna pasa el a institui un decreto ministerial, den cual el a lanta un Comision, cual Diaranzon a bin hunto, pa prome biaha.

E comision aki ta bay traha riba e derechonan y calidad di bida di nos ciudadanonan cu condicion special.

E comision aki ta consisti di personanan di Ministerionan di Asunto Social y Labor, Salubridad Publico, Enseñanza, Infrastructura, Asuntonan General y Husticia.

Kiermen cu tin representantenan di DAS, Departamento di Labor, Departamento di Salud, y un persona apunta pa Minister di Husticia, mescos e Ministernan di Enseñanza, Infrastructura, y Asunto General.

Prome Minister a apunta sr. Hans Geerman cu ta un persona hopi apasiona riba e tereno aki y ta biba cu e tereno di con muchanan ta lanta, y na mas di un ocasion el a expresa su deseo di mira e cosnan bon regla pa nos hendenan special.

META DI E COMSION:

E Comision a wordo lanta Diaranzon ultimo, y su meta ta pa inventariza kico ta e necesidadnan. Prome Minister a subraya cu ta spera di e comision un plan tocante kico gobierno tin cu bay haci riba termino corto, mediano y largo pa asina por yena tur e camindanan cu tin bashi ainda.

E mandatario a subraya cu nan ta tume como un approach di e ciclo di bida di un persona y ta cuminza for di momento cu e ta nace y tin un limitacion fisico of mental.

“Den e momento ey nos mester tin un bon sistema pa por yuda e mayornan y esnan cu ta bay take care e muchanan aki”, Prome Minister a duna di conoce. 

INCLUSION DEN ENSEÑANZA:

E siguiente stap  ta scol. “Nos tin suficiente lugar na scolnan? Kico nos tin cu haci y con nos tin cu amplia esaki? Kedando den e mesun fase cu e mucha ta bay scol nos tin cu wak kico ta pasa cu e mucha despues di scol merdia; pasobra Traimerdia no ta tuma mucha cu tin un limitacion fisico of mental. Nos mester taha riba esey”, Prome Minister a indica.

E dignatario a agrega cu un bez cu e muchanan aki caba scol cu tin aworaki, hopi di nan despues di nan 16 aña no tin otro scol pa nan bay. “Kico nos kier? Nos kier pa nan keda cas despues di a bay scol tanto aña? No. Nos kier un scol di ofishi, nos kier wak si tog nan por drenta den e curriculum di otro scolnan cu nos tin caba”, Prome mandatario a señala.

INCLUSION LABORAL:

Ora nan yega edad adulto nan mester por drenta den e mercado laboral. “Nos tin asina suficiente pa inclui nos hendenan special den e mercado laboral? Mi por compronde cu pa un doño di trabao e ta dificil. E no ta facil mirando specialmente e presion cu tin awendia den comercio, cu e economia cu ta stagna.

Sinembargo, kico gobierno mester haci? Kizas traha cu mentornan of coachnan cu ta yuda nos hendenan special na pia di trabao tambe y yuda e doñonan di trabao y demas coleganan?” Prome Minister a relata.

 

 

 

 

 

 

- Advertisement -

DUNA COMENTARIO

Please enter your comment!
Please enter your name here