Home Cultura Comision Celebracion Dianan Nacional ta preparando pa festivalnan di Dande

Comision Celebracion Dianan Nacional ta preparando pa festivalnan di Dande

31
0
SHARE
- Advertisement -

ORANJESTAD (AAN): E siman aki Comision Celebracion Dianan Nacional CCDN, bou auspicio di Ministerio di Cultura a cuminsa cu preparacionanan pa cu e festivalnan di Dande 2018.

Dialuna mainta Comision Celebracion Dianan Nacional CCDN, presidi pa John Flemming , presidente di e comision y miembronan di comision di CCDN a reuni cu ambos comision, tanto cu representantenan di Fundacion Cultural Festivalnan Folklorico, Harry y Jessica Croes hunto cu Comision Promove Cultura, señora Ray-anne Hernandez na Departamento di Cultura Aruba.

Tabata un reunion ameno y a papia tocante e preparacionnan di tanto Festival di Dande 2018 cu e aña aki lo ta riba dianan 27 y 28 di December venidero. Ta ser premira riba un bon festival e aña aki y cu grandi y chikito lo participa ya cu e interes bou di e muchanan di tanto infantil y hubenil ta creciendo.

Riba dia 27 di december lo tuma luga e festival Infantil y Hubenil den su cuater categorianan na Centro di Bario Tanki Lender. Mientras cu riba dia 28 di december e aña aki lo tuma luga e festival di Adultonan riba Plaza Libertador Gilberto François ‘Betico’ Croes riba Vondellaan.

Hunto a papia tambe riba e preparacionan di tanto festival di Dande 2018 como riba e preparacionnan di Festival di Un Canto pa Aruba su Himno y Bandera di 2019. Fechanan cu a keda fiha pa ambos comision ta dia 8, 9, y 10 di maart 2019.

E tabata un mainta hopi fructifero y varios ta e puntonan cu e keda trata pa miho festival y celebracion di nos tradicion di Dande. Di parti di Comision Celebracion Dianan Nacional ta spera cu nos comunidad celebra nos fiestanan cultural y nacional den grandi. Cultura nos mester bib’e, sint’e, balor’e y promove. Den cada famia mester siña nos hobennan stima esaki pa mantene nos tradicion y cultura bibo. Preparacionnan ta sigui.

 

- Advertisement -

DUNA COMENTARIO

Please enter your comment!
Please enter your name here