Home Cultura Cosecha y EPB Oranjestad ta colabora na bienestar di e studiantenan

Cosecha y EPB Oranjestad ta colabora na bienestar di e studiantenan

120
0
SHARE
— Alumnonan balente cla pa demostra loke nan por.
- Advertisement -

ORANJESTAD (AAN): Durante un conferencia di prensa convoca na Cosecha na San Nicolas, DIARIO a haya sa cu riba Diasabra 24 di november, nan ta cuminsa un colaboracion inovativo cu studiantenan di e Departamento di Moda na EPB Oranjestad.

Cosecha ta pone e vitrinanan di su tienda na San Nicolas disponibel na e desaroyo educativo di e studiantenan.

Studiantenan di e Departamento di Moda ta siña diferente materia durante nan trayectoria na EPB Oranjestad, pa por prepara nan pa un carera profesional. Pa e materia di Etalage, te cu awor studiantenan no tabata tin vitrinanan disponibel pa por practica locual nan a siña den teoria y expresa nan creatividad manera debe ser, usando un tienda di berdad.

Pesey mes Cosecha a dicidi pa traha hunto cu EPB Oranjestad pa asina studiantenan por gana experiencia practico y desaroya nan talento como Etaleuse o Etaleur. Juffrouw Rhona Lemminga cu no ta desconoci como fashion designer den e mundo di moda na Aruba y tambe internacionalmente lo guia e studiantenan den e proceso di pensa, structura y creatividad. Ta bon pa menciona cu e proyecto aki ta uno cu e studiantenan mes a traha tur cos nan mes cu lo ta den e vitrina y ta algo di aplaudi y sinti bo orguyso di nan. Cosecha su tienda, cu ta bende Artesania y Arte Local y cu Seyo Nacional di Artesania, sigur lo inspira e studiantenan tambe mirando tanto creatividad cu tin den tienda.

E prome creacion di e studiantenan lo ta den tema di Pasco y lo cambia e vitrinanan mas hopi cu por pa asina e studiantenan por haya e oportunidad pa por practica y mustra tambe nan creatividad.

Cosecha ta contento di por yuda nos futuro profesionalnan den e area di Moda na e manera aki. EPB Oranjestad y Cosecha kier invita publico pa bin admira e trabao di e studiantenan ambicioso y creativo cu Aruba tin. Saca un potret dilanti e virtina y post esaki riba Facebook usando #Cosecha #EPBcreative y #Windowdisplay y asina participa pa gana un gift certificate di workshop na Cosecha.

Cosecha San Nicolas ta den caya di Promenade na San Nicolas y Diasabra  24 di november Cosecha lo ta habri te 10 or di anochi.

- Advertisement -

DUNA COMENTARIO

Please enter your comment!
Please enter your name here