Home Religion y Espiritualidad “Cu confesion bo por drenta un temporada nobo cu un forsa nobo”

“Cu confesion bo por drenta un temporada nobo cu un forsa nobo”

22
0
SHARE
- Advertisement -

Pader Daniel Szpila:

ORANJESTAD(AAN): Confesion ta hopi necesario pasobra e ta un Sacramento y un acto di humildad. “Un acto cu ta obliga bo pa bo reconoce bo picanan concreto. Pa ta suficiente bisa “mi ta pecador”. Reconoce bo faltanan concreto, menciona nan pa bo propio orea tende nan”, Pader Daniel Szpila ta comenta.

Segun pader Daniel Szpila, den confesion, dilanti un sacerdote, un Sacramento den cual Señor Hesus ta duna autoridad na su apostel y sucesornan, bisando “na esnan cu boso ta pordona, nan picanan ta keda pordona”.

Ta hopi importante di por tende cu bo orea ora sacerdote ta pronuncia e palabranan sagrado di Sacramento “mi ta libera bo di tur bo picanan, na nomber di Tata, y di Yiu y di Spirito Santo”, e Sacerdote a expresa.

Esey ta un forza increibel. Un gran alivio. Tur e peso di bo picanan ta keda kita for di bo lomba, for di bo alma, for di bo curazon. Bo a tende cu bo propio orea cu nomber di Santisima Trinidad, bo picanan ta keda pordona.

Bo haya oportunidad. Dios a devolve bo bida atrobe. E bida cu tabata ruina podise, tabata perdi, tabata un laberinto. Dios a pone straight. Dios a ilumin’e. Dios a brasa bo, pasobra esey ta sosode den Sacramento di Confesion.

E parabola di e yiu perdi ora cu e ta bin bek cas, tata ta core na su encuentro, ta cubri’e cu sunchi y bisti’e cu paña nobo y ta invit’e pa celebra cun’e na mesa.

Esaki ta sosode realmente den sacramento di confesion. Tata ta sali na nos encuentro, e ta sunchi nos heridanan pa cura nan. Spirito Santo ta bisti nos cu santidad y Señor Hesus, manera un bon wardador, ta carga nos na e comunion cun’e, comunion cu tata den misericordia y amor.

E acto aki di confesion, na fin di aña tambe ta yuda nos pa sortia e piscanan den reda of pa bay piki e appelnan putri for di den macutu y tiranan afo. Pa por drenta e periodo nobo di historia cu un forsa nobo cu un bida nobo realmente.

 

- Advertisement -

DUNA COMENTARIO

Please enter your comment!
Please enter your name here