ORANJESTAD(AAN): Dialuna mainta a mira movimento di personal di Guarda nos Costa riba cayanan di e isla.
Por a mira unidadnan di Guarda nos Costa den e zona di Paradera. A mira cu nan ta bishitando diferente area cu tin di haber cu construccion.
Nan a check algun construccion den area di Misa di Paradera y Club Caiquetio. Asina cu e vehiculonan di Guarda nos Costa a yega, por a mira cantidad di trahador na careda. E oficialnan tambe a sali tras di algun di esnan cu a core bay.
A logra yega na nan tambe. A gara un of mas ilegal cu a core y a drenta tambe e zona di construccion, hasta subi dak, drenta diferente area, pa asina busca wak pa mira si tin mas di e personanan stranhero indocumenta cu tabata na pia di trabao, haciendo trabao di construccion e momento ey.
Asina lo mira mas movecion di Guarda nos Costa riba nos cayanan. Keda pendiente pa mas informacion durante dia, pasobra Guarda nos Costa ta riba caya y tin hopi ilegal, segun nan mes a confirma na nos.
Nan ta core cu nan van y nan autonan pa asina ataca diferente zona, entre otro di construccion, na momento cu nan yega cu nan cantidad di personal uniforma.
