Home Gobierno Dialuna awor Gobierno lo revela loke ta bay ta nan Reforma Fiscal

Dialuna awor Gobierno lo revela loke ta bay ta nan Reforma Fiscal

223
0
SHARE
- Advertisement -

ORANJESTAD (AAN): Gobierno di Aruba a caba di revela, cu nan lo duna un Presentacion amplio di Reforma Fiscal dialuna 3 di december:

Ultimo detayenan ta worde haci pa asina e cambio di ley pa loke ta trata e Reforma Fiscal worde implementa. E compromiso di Gabinete Wever-Croes ta pa trece alivio pa nos pueblo.

Ora cu Gobierno a introduci e crisisheffing temporal na juni ultimo, Gobierno a fiha tambe e meta pa introduci un sistema di impuesto mas husto cu lo duna alivio di e peso di belasting. E Reforma Fiscal ta un proyecto cu lo tuma su tempo. E ta parti den diferente fase cu lo worde introduci gradualmente den e proximo lunanan nos dilanti.

Gobierno di Aruba lo duna un presentacion amplio di e vision di Gabinete Wever-Croes tocante e Reforma Fiscal dialuna awo, 3 di december di 3:30 pa 4:30 pm na Marriott Ballroom. Prome Minister Evelyn Wever Croes y Minister di Finansa Xiomara Ruiz-Maduro lo duna splicacion riba loke e Reforma Fiscal ta bay ta contene y su implicacionnan pa cada ciudadano di nos pais y con e lo afecta nos positivamente y trece e cambio husto.

Na final di e encuentro lo tin e oportunidad pa haci pregunta. Directora di Departamento di Impuesto señora Luenne Gomez-Pietersz y directora di departamento di Aduana señora Corinne Cabenda lo ta presente pa hunto cu Prome Minister y Minister di Finansa contesta e preguntanan.

Prome Minister ta haci un invitacion na miembronan di prensa cu ta siguiendo e desaroyo di Reforma Fiscal pa asisti dialuna awo na Marriott Ballroom pa haya tur informacion necesario.

- Advertisement -

DUNA COMENTARIO

Please enter your comment!
Please enter your name here