ORANJESTAD (AAN): Recientemente Aruparking a anuncia cu e vaknan geel tambe lo bira pornada den e temporada di fin di Aña. Pero esaki a lanta cierto preoucupacion cerca esunnan cu tin contract pa parkeer den e vaknan geel.
Segun Sannin Doau, PR y Marketing di Arubus, Gobierno a pone un paar di dia, for di december te cu fin di aña/januari, caminda cu lo por parkeer gratis den e vaknan blanco. Y den weekend a pone tambe e parkeervaknan geel pa parkeer auto. Sr. Daou kier a enfatisa cu e vaknan geel por worde uza liber solamente den weekend. Cu weekend kier remarca cu weekend ta Diasabra cu Diadomingo.
Solamente den e vaknan blanco. Y esey por ta un bruhamento.
Sr. Doau a splica cu siman ta core di dialuna pa diabierna y fin di siman ta diasabra y diadomingo. Pa e motibo ey, ta ariba weekend (diasabra y diadomingo) ta e unico dos dianan cu por uza e vaknan geel por worde uza. E vaknan blanco por worde uza den siman y den weekend. Y na januari tur cos lo normalisa back, dus lo paga pa parkeer den blanco.
Pa loke ta e vaknan geel, Aruparking tin un idea preciso den cua teritorio, cuanto vak geel ta worde uza pa e doñonan di e permiso. Y esaki Aruparking lo tene cuenta cun’e y nan lo no perde nada al respecto. Esaki ta loke a worde haci, y Aruparking tin esaki bou di control, cu e doñonan di permiso ta bay perde nan luga.
Loke si kier haci, ta un peticion special na tur doño di permiso, trahadonan of doñonan di luganan den caya, pa laga e vaknan blanco pa e clientenan cu ta bin den caya. Den pasado, tabata tin e caso cu caminda cu ora pone freeparking, e mesun doñonan di permiso ta bay para mas cerca cu ta pone cu clientenan no ta bay haya luga di parkeer y e geelnan ta keda bashi.
E esencia di parke ta pa e cliente haya luga accesibel mas cerca di e tiendanan pa nan haci compras. Y si door di pone parkeo gratis, tur esun cu tin vergunning ta core bay para, e clientenan no ta haya luga di parkeer. P’esey ta haci un peticion special pa esunnan cu tin vergunning, pa laga e vaknan blanco pa clientenan cu ta bay haci compras den caya.
Pa loke ta e parti di Arutram, diabierna “Black Friday”, e tram a core te cu 8 or di anochi, pa asina coopera cu e comerciante den caya y cu esaki por yuda pa e cliente por para nan auto poco leu y por subi e tram y yega den caya, na e tiendanan respectivamente cu nan kier bay.
Algo cu tambe a hala atencion, cu Aruparking ta controla ariba diasabra y no diadomingo. Pa colabora cu comercio, a dicidi di haci e vaknan geel pa asina clientenan por para nan auto den e vaknan aki, pornada pa e temporada di fin di aña aki.
Pa dia 1 di januari, tur cos lo normalisa, dus lo mester paga pa para den vak blanco y e geelnan mester un vergunning pa para den dje.
