Home General Digicel kier pa Aruba tin un Pasco briyante

Digicel kier pa Aruba tin un Pasco briyante

282
0
SHARE
- Advertisement -

ORANJESTAD (AAN): Digicel a sigui cu duna pueblo di Aruba hopi mas, despues lanza luna pasa riba mercado e tan spera, Samsung Galaxy Note 9, awo nan ta cla pa Aruba tin un ‘Pasco briyante’ cu nan campaña nobo, regalando un Kia Rio Hatchback EX 2019 of afl. 200 pa siman!

Durante conferencia di prensa Sr. Lincoln Gomez, chairman di directiva di Digicel Aruba a probecha dia di ‘Duna Danki’ (Thanksgiving) pa asina duna Aruba un tremendo danki pa nan sosten, cu nan campaña nobo.

Dianan di fiesta ta yegando, y Digicel a dicidi di haci algo special pa comunidad. Den ultimo simannan nan a anuncia nan plannan ilimita nobo, cu a haya hopi bon reaccion den comunidad, pasobra cu un suma vast, por probecha di data ilimita. Kiermen no mester worry cu data ta bay caba na caminda! E prijsnan vast tambe ta yuda nan clientenan den nan presupuestonan, specialmente cu dianan di fiesta na caminda. Sr. Gomez a bisa pa check algun tienda cu ta bay tin oferta relaciona cu Black Friday, sigur esey ta algo pa no perde!

El a agrega cu nan ta trahando duro pa sigui trece mihor servicio y mas innovacion den mercado, y el a introduci Sr. Roeland van der Hoeven, CEO di Digicel Group kende tabata fungi como CEO di filial di Digicel na Surinam, y actualmente ta encarga cu grupo di Aruba, Bonaire y Corsow, a indica cu e ta sinti hopi honor di por ta responsable pa e bunita mercadonan aki, y cu tin un oportunidad grandi pa loke ta trata perspectiva tecnologico, specialmente pa motibo cu e tecnologia di Aruba ta esun mas dilanti den region, y esey ta un di e motibo cu nan a lanza e paketenan ilimita.

Pa loke ta trata e tremendo campaña, Allessander Tromp, a splica cu clientenan, tanto prepaid como postpaid ta participa automaticamente. Un cliente cu ta uza servicio di prepaid, yenando un carchi di afl.15 of mas, bo ta gana un ticket pa participa den rifa di e Kia Rio Hatchback EX 2019, si recarga afl.25 of mas, bo ta haya tres ticket pa participa. Clientenan postpaid mester paga nan cuenta completo y na tempo; activa e unlimited LTE postpaid plan; Upgrade na un unlimited LTE postpaid plan. Mas ticket bo tin, mas chens bo tin pa gana premionan. Pero tur cliente tin oportunidad pa gana tur diabierna, un premio cash di afl.200. E ganadornan lo wordo contacta pa un miembro di Digicel. E campaña aki ta core te cu 11 di Januari 2019.

Digicel ta compania no ta solamente di telefon, pero nan tambe ta duna servicionan di comunicacion manera internet, atravez di nan network nan tin capacidad di conecta hende cu hende, mashin cu hende y mashin cu mashin. Digicel actualmente ta den 33 diferente pais, cu un presencia grandi den area di Caribe.

Probecha e oportunidad aki pa gana e Kia Rio Hatchback EX 2019, habri aña cu un auto nobo, sin laga afor cu tur siman, por gana afl.200 cash!

 

- Advertisement -

DUNA COMENTARIO

Please enter your comment!
Please enter your name here