ORANJESTAD(AAN)–E camisa stampa, slim fit of regular fit, ta un di e tendencianan dominante pa temporada. Trash by Ronchi ta presenta un coleccion impactante di e estilonan aki.
E coleccion ta conta cu stampadonan mas audaz te na estilonan minimalista pa asina cumplí cu e exigencianan di cada hende homber pa nan estilo durante e actividadnan di e temporada mas dushi di aña. Ta importante pa menciona cu e camisanan aki ta bin den dos diferente corte cu ta slim fit y regular fit.
E piezanan di moda aki ta bin di size S te cu size 3XL. “E print shirt por wordo combina den diferente estilo. Bao di un set di bachi of un sport coat, combina cu un carson elegante of cu un vest y tambe cu jeans pa un look mas casual” ta locual Ronchi De Cuba, director creativo di Trash by Ronchi, ta duna di conoce.
Trash by Ronchi ta habri di Dialuna pa Diasabra di 10am pa 7pm non stop y ta sitúa na Playa den Sibelius Straat #8. Tambe por bishita nan website www.trashbyronchi.com pa hasi orders y disfruta di free delivery pa Aruba. Tambe por follow Trash by Ronchi riba Instagram of Facebook pa mira mas di e coleccion.
