Home Gobierno Ex premier Eman y ex-minister di Husticia Dowers ta bezig ta ataca...

Ex premier Eman y ex-minister di Husticia Dowers ta bezig ta ataca nos estado di derecho

130
0
SHARE
- Advertisement -

Minister mr. Andin Bikker:

ORANJESTAD (AAN) – Minister mr. Andin Bikker, titular di Husticia, a yama un conferencia extraordinario di gobierno, pa atende varios tema, pero esun prome y cu a capta mas pregunta di prensa, tabata e detencion di un miembro di prensa, cu a cuminza Diamars, inicialmente como un interogatorio.

Esaki mientras tanto e otro miembronan di prensa cu tabata deteni a keda den libertad.

Minister di Husticia a expresa cu e ta lamenta hopi cu e opositornan politico (AVP) a pone casonan penal den un luz politico. E ta lamenta esaki pasobra e opositornan aki, ta graduadonan universitario, un di nan tabata minister y otro un ex-prome minister.

“Mi ta lamenta cu e personanan aki a crea un impresion cu mi persona lo tin influencia den casonan penal cu ta andando”, e mandatario a bisa, y agrega cu den un conferencia di prensa prome cu esaki, yama pa Procurador General, e magistrado a subraya cu ningun minister di husticia, ni esun anterior ni minister Bikker tin influencia y tin nada di bisa kico pa haci of keda sin haci.

“E no tin nada di haber cu libertad di expresion, ni e trabao cu nos ta respeta pa loke ta trata miembronan di prensa. Den e caso aki ta un investigacion cu tin di haber cu sospecho di ladronicia of heling, etc”, e dignatario a subraya.

Minister di Husticia a reitera cu e ta lamenta cu un ex-prome minister cu mester sa mihor, un ex-minister di husticia cu a hiba e cargo aki pa ocho aña largo, personanan gradua cu diplomanan universitario cu sa con nos Codigo di procedimento penal ta hinca den otro, con e Landsverordening politie ta hinca den otro, cu ta suppose di sa di ley, ta crea un impresion aworaki cu ta eroneo y Procurador General tambe a subraya esaki.

“Nos ta den un Estado di Derecho. Mi persona ta delinea maneho den lineanan grandi, y tin Ministerio Publico, KPA y Landsrecherche cu ta institutonan. Y ora cu un ex-prome minister, den e caso aki sr. Eman y un ex-minister di husticia sr. Dowers, purba crea un impresion djis pa probecho politico, nan no ta atacando Andin Bikker, nan ta atacando eigenlijk institutonan cu no tin cara ni fam. Institutonan cu tey pa salvaguardia cu leynan, cu Parlamento a bay di acuerdo cu nan, nos Codigo di Procedimento Penal, etc.etc, pa leynan wordo reforza sin wak ta ken ta e persona cu ta sospechoso” e dignatario a acentua.

Minister Bikker a bisa na un forma reiterative tambe, cu Ministerio Publico ta independiente, mescos cu Cuerpo Policial y su persona no ta mete den casonan individual. “Mi no a yega di mete ni ta bay mete tampoco, no ta mi tarea, mi tarea ta delinea maneho, zorg pa tur e cuerponan tin suficiente material di trabao, pa nan tin leynan actualiza pa por funciona optimalmente, y cu e mantencion di nos leynan tuma lugar”, minister Bikker a expresa.

El a agrega cu si awor, lamentablemente, den e caso individual aki un miembro di prensa ta deteni como sospechoso, no por culpa e pasobra esaki no ta su tarea, sino di instancianan independiente cu ta conduciendo e tipo di investigacionnan aki y e como minister no ta bay over na casonan individual.

“Si un persona no ta di acuerdo cu un decision di Ministerio Publico, nos tin nos canalnan ancra de nos Constitucion, nos tin otro leynan, y tin abogado, bo por bay Corte y pidie pa wak si e manera di proceder ta corecto of no”, Minister Bikker a señala.

E mandatario a acentua cu e dos ex-mandatarionan menciona, cu ta suppose di tin conocemento huridico, mester ta un ehemplo pa nos pueblo, pero nan ta bezig ta atacando nos Estado di Derecho y e ta tuma nan hopi na malo.

- Advertisement -

DUNA COMENTARIO

Please enter your comment!
Please enter your name here