ORANJESTAD (AAN): E fecha a yega pa publico bira loco awenochi durante e concierto di Aruba Island Take Over. Awenochi miles di hende lo mira J Balvin, Bad Bunny, Alex Sensation, y Jeon riba un escenario magnifico crea na Harbor Arena.
Sin duda alguno, Elite Empire a crea un obra maestro cu lo duna balor agrega na e experiencia di publico cu ta bay tey presente na e evento. Portanan lo habri for di 6:00 pm caba, y for di 7:00 pm lo tin DJnan local ta cuminza anima publico.
DIARIO tabata presente Diahuebs anochi na Harbor Arena, pa asina mira con sound-checks tabata wordo haci. E potret aki a wordo saca momento cu e artista local Jeon tabata haciendo su sound-check, hunto cu e special effects di e escenario, cu ta bay laga tur hende contento.
Ta recorda tur hende cu a cumpra nan pass of e-pass ta worde pidi pa por pasa e Pop Up Store di Island TakeOver na Renaissance Hotel pa busca nan banchi, evitando asina di para den rij na Harbor Arena. Tambe nan a cuminza bende Tokens adelanta na e Pop Up Store. Pues haci esaki awe den dia, envez di bay para den rij anochi na Harbor Arena.
