Home Enseñanza Famia Planea ta conclui cu 2018 tabata un aña positivo

Famia Planea ta conclui cu 2018 tabata un aña positivo

25
0
SHARE
- Advertisement -

ORANJESTAD(AAN): Coordinador di Famia Planea Aruba, Johnathan Trinidad, ta haci hopi bishita na scol entre otro y informa, den contacto cu e hoben.

Vooral si e wak e aña aki, 2018, tabata hopi positivo pa Famia Planea. Tambe ta mira un crecemento den loke ta trata educacion sexual na scol, ya cu Trinidad mes ta duna e diferente charla, cu diferente tema.

Si wak bek, por mira un aña cu no solamente a haya mas cliente pa loke ta famia Planea, pero tambe a mira crecemento grandi pa loke ta e cantidad di scolnan cu ta haya charla, den diferente area, pero na final di dia ta traha riba e aspecto mas importante cual ta e crecemento di nos mucha y hobennan na Aruba.

Ora cu mira bek, no solamente a logra drenta scolnan primario, pero tambe secundario, special. A drenta tambe e MBOnan, Universidad. Tin diferente scol unda cu a bishita e aña aki. Temanan a varia basta, entre otro crecemento te na e parti di desaroyo, cambionan di curpa, higiena. Pero tambe e aspecto con e mucha y hobennan por tuma decisionnan responsabel pa loke ta nan bida y futuro.

Desde algun aña atras, a implementa Sustainable Development Goals, den e diferente tayernan cu ta wordo duna. Esey ta haci tambe cu no solamente ta bezig ta provee informacion corecto na e mucha, hoben y adultonan, na docente y otro educadornan den comunidad, pero mas cu claro ta trahando y uniendo tur e sistemanan cu ta traha na bienestar di nos muchanan.

Esey ta haci cu na final di dia, nos ta birando mas sostenibel, pero mas cu claro tambe ta trahando hunto cu e personanan aki pa e crecemento di e mucha y hobennan aki, ta mas sostenibel den e diferente areanan atrobe.

Educacion ta keda un parti importante, pero na fin di dia, por educa, por brinda informacion, guia y duna sosten. Pero na final mester por implementa den nos mucha y hobennan, pa nan bira mas conciente, pa nan bida, nan curpa y vooral pa nan salud sexual.

 

- Advertisement -

DUNA COMENTARIO

Please enter your comment!
Please enter your name here