Home Gobierno Firma di 3 MB ta hopi importante pa e relacion entre FCCA...

Firma di 3 MB ta hopi importante pa e relacion entre FCCA y Gobierno

236
0
SHARE
- Advertisement -

Minister Otmar Oduber

ORANJESTAD (AAN):  Diahuebs Minister di Desaroyo Teritorial, Infrastructura y Medio Ambiente Otmar Oduber conhuntamente cu Minister di Asuntonan Social Glenbert Croes y sr. Edwin Tromp di FCCA, a anuncia y firma 3 Ministeriele Beschikking (MB) sumamente importante pa e relacion entre FCCA y Gobierno, den cuadro di e plan social cu Gobierno a pone un enfasis hopi grandi riba dje.

E proceso a cuminsa for di December 2017, unda cu desde e prome encuentronan ya caba a menciona cu kier tin un relacion nobo cu FCCA. Un relacion basa riba confiansa y e meta comun cu cual a lanta FCCA. Teniendo na cuenta cu awor e impacto riba nos comunidad ta di tal forma cu no tin un otro forma di traha si no ta den conhunto, pa por logra ehecuta e plan social cu colega encarga cu Asuntonan Social y Gobierno a para pe, cual ta conduci na 3 MB sumamente importante, Minister Oduber a splica.

E MB nan aki ta bin a base di un Memorandum of Understanding (MoU) cu a firma caminda cu a palabra cu despues di hopi aña un convenant a wordo firma entre Gobierno y FCCA, tocante e forma cu ta bay traha cu otro y unda kier yega cu FCCA.

Den e seno politico semper a referi cu no a pone e presion suficiente pa logra e anhelo pa traha casnan social durante e ultimo añanan. Danki na e esfuersonan adicional cu FCCA, su directiva/ maneho a haci y cu tin un organisacion sano financieramente, a conduci cu por construi casnan adicional social.

Minister Oduber ta splica cu e aña aki kier a logra e meta pa cuminsa cu algun construccion, cual a mira algun ya a cuminsa entrega caba y otronan ta den construccion. Asina kier logra e meta cu pa aña por construi 200 cas social. Cas social den un bachi nobo unda cu e forma y tecnicanan pa construi ta diferente.

A logra convence DOW tambe di e metodonan nobo, pa por sostene un deficit (presion) hopi grandi cu tin riba e Minister di Asuntonan Social y na FCCA pa cas.

A concorda e listanan y tin casi 2700 hende cu ta wardando riba un cas social. Personanan den e grupo aki no necesariamente tin problema social, sino tin otro factornan cu ta crea dificultad pa yega na un dak riba nan cabes. Cual ta e concepto nobo cu ta enfocando riba dje tambe hunto cu FCCA, Minister Oduber ta enfatisa.

A firma 3 MB

Un di e MB nan ta encera cu ta forma un ‘toetsingscommissie’ caminda cu ta bay tin cierto cantidad di casnan unda cu ta atende cu e reto di ora cu hende  keda riba caya pa un periodo cortico sin por yega na un cas. E di dos comision ta esun di ‘toetsing’ di personanan cu ta bin na remarke pa haya casnan.

Conforme criterianan fiha riba cual ta midi esunnan cu segun prioridad ta bin na remarke pa haya un cas. E parti bunita y nobo ta cu e Minister di Asuntonan Social ta haya un ‘inbreng’ pa defende e prioridad.

E tercer MB cu a firma ta encera cu den ehecucion di construccion di cas social, e Minister di Infrastructura ta haya un posicion conhunto cu FCCA pa determina e ‘toetsingscriteria’ pa contruccion, tecnologia nobo uza y e forma cu ta calcula prijsnan di e casnan.

Minister Oduber a finalisa gradiciendo e team completo cu a hacie posibel pa yega na e punto aki den menos cu un aña di gobernacion y a anuncia cu lo sigui traha na e colaboracion entre FCCA y Gobierno di Aruba.

 

- Advertisement -

DUNA COMENTARIO

Please enter your comment!
Please enter your name here