Home Suceso Habitante a sufri quemadura debi na cas na candela den Grenadaweg

Habitante a sufri quemadura debi na cas na candela den Grenadaweg

23
0
SHARE
- Advertisement -

ORANJESTAD (AAN): Diamars anochi laat pasa di 11:00 pm, informacion a drenta di un candela basta serio den Tarabana.

Tur cos ta indica cu un fayo den un computer-charger, a pone e candela start na un cas na Grenadaweg.

E candela a expande y sigui crece den mas parti di e cas den Grenadastraat 5. Na e adres aki ta biba un señora cu su yiu homber y tambe dos nieto di e señora.

Debi na e candela, e señora a ricibi un kemadura basta grave na su man. Tambe no tabata por a hala rosea bon y tabata hala rosea for di ritmo. Aki ta unda bisiñanan atento a pone e señora sinta den un Nissan March pa e señora por haya oxigeno normal back y purba mantene trankilo te ora cu paramedico yega na lugar.

Mientras tanto, Bomberonan a cuminza domina e candela y pa seguridad a hala e botter di gas leu di e cas, y tambe e autonan staciona su dilanti.  Personal di NV Elmar tambe a yega pa kita coriente di e cas, pa asina Bomberonan por traha cu mas seguridad sin peligro di haya shock.

E candela a plama rapido, y e yiu homber a haye ta sali for di cas na careda.  Tur miembro di famia a ricibi atencion medico.

 

- Advertisement -

DUNA COMENTARIO

Please enter your comment!
Please enter your name here