Home Social Hobennan mester wak mas leu tocante e asunto di legalizacion di marihuana

Hobennan mester wak mas leu tocante e asunto di legalizacion di marihuana

33
0
SHARE
- Advertisement -

Rulienne Arends di FADA:

ORANJESTAD (AAN): Recientemente Canada a bira e di dos pais na mundo cu ta legalisa e uzo di cannabis recreacional. Y esaki kisas ta un tentacion pa hobennan lo kier bay Canada y explora esaki.  Rulienne Arends, di FADA ta amplia riba esaki.

E ta keda un preocupacion semper, ya cu e hobennan ta hopi ariba rednan social y ta wak e informacionnan aki. Pero FADA ta encurasha e hobennan, ora di busca informacion riba internet, no wak e fuente so, pero tambe e peliger.

FADA hopi biaha ta haya informacion for di hobennan, cu ta manda cierto linknan pa FADA, pero no ta wak e peliger. Algo cu semper FADA ta enfatisa ta cu marihuana ta wordo huma, mientras cu cigaria di chikito ta wordo bisa cu cigaria ta duna cancer di pulmon of garganta. Esey ya caba ta un parti negativo.

Semper ta encurasha e hoben, pa wak kico mas ta negativo rond di e tema tocante marihuana. E no ta algo facil, ya cu tur hende tin nan opinion. Si wak e parti medicinal y recreacional.

FADA ta balansa nan dos y ta mustra e parti bon y malo di e marihuana. Spera cu e hobennan wak mas leu cu e legalisacion, wak e parti negativo, e consecuencia di marihuana recreacional.

Arends a sigui bisa cu nan ta discutiendo pa bay atende cu parlamento, pero esey no ta den man di Arends, pa loke ta e directiva di FADA lo atende cu esaki. E team di FADA semper ta tene reunionnan unda ta trece preocupacionnan dilanti y e ora e director y e bestuur ta bay un tiki mas leu den ministerraad.

Ta den plan pa cuminsa mobilisa si, ya cu e hobennan nan edad ta sigui baha. Edadnan ta varia cuminsando for di 12, 13 aña. E tendencia ta cu esaki lo sigui baha, segun Rulienne Arends, di FADA.

- Advertisement -

DUNA COMENTARIO

Please enter your comment!
Please enter your name here