Home Cultura Homenahe na Festival Voz-I-Landia y na Aruba su Icono Musical Robert Jeandor

Homenahe na Festival Voz-I-Landia y na Aruba su Icono Musical Robert Jeandor

158
0
SHARE
- Advertisement -

Den Cas di Cultura:

ORANJESTAD (AAN) – Recientemente a tuma lugar den Cas di Cultura, un anochi den cual a rindi homenahe e Festival Voz-i-Landia Escolar, cu presentacion tambe di e buki RELUCI, chispa musical cu ta relata e historia y memorianan di e Festival den su trayectoria di 1981-2015.

Tambe tabata tin homenahe na e musico Icono musical Arubano reconoci local y internacionalmente, sr. Robert Jeandor, y a presenta un documental di su desaroyo musical como musico-bahista, cantante, salsero, merenguero, tumbero y bolerista.

E tabata un show musical multidisciplinario cu baile, canto, presentacion di e buki y documentario.

Logicamente por a disfruta di Robert y su Solo Banda Show, y di cantantenan manera Rachel Kraaijvanger, Shannon Bueno, Cesar Olarte, Edjean Semeleer, Javier Ras y Nelson Tromp, tambe Johnny Scharbaay & Friends a acompaña musicalmente, algun di e cantantenan.

Grupo Melodia bao guia di Rubin Ponson a deleita e publico cu diferente cancion popular. E ballet Club di Movimiento a duna un tremendo show, bao guia di Samantha Westera.

E promotor cultural señor Mirto Lacle a expresa cu gradicimento pa e dos homenahenan menciona. El a splica cu e buki ta un homenahe colectivo pa tur e personanan cu a yega di participa den e Festival Voz-i-Landia Escolar como cantante pero tambe e maestro, e scol, e guia, e compositor, e areglista, e bandanan, y tur e personanan entusiasta cu a yuda e festival bira un evento grandi.

El a expresa cu contrario na e expectativanan cu tabata tin, e sala tabata completamente yen. Incluso tabata tin degustamento di un biña pa cortesia di un agencia local, y tabata tin presencia di dos auto clasico y dos auto moderno, pa mustra riba  transporte cu lo bira e tema di Festival di Buki 2019.

- Advertisement -

DUNA COMENTARIO

Please enter your comment!
Please enter your name here