Home Impuesto Hopi pagador di belasting ta cuestiona e sistema di Departamento di Impuesto

Hopi pagador di belasting ta cuestiona e sistema di Departamento di Impuesto

147
0
SHARE
- Advertisement -

ORANJESTAD (AAN) – Ta hopi placa ta wordo kita for di Departamento di Impuesto (DIMP) na diferente ciudadano cu ta hayando un cobranza barbaro, cu ta practicamente imposible cu nan ta debe tanto placa asina na belasting, si nan ta biba cu un entrada modera.

Ora nan acerca DIMP pa averigua kico ta e problema ta bin resulta cu nan a yena mal e aangifte of cu DIMP mes a comete un fayo, pero e solucion di e problema ta simplemente un dolor di cabes.

Tin personanan cu a yega na un acuerdo y nan ta wordo priminti cu nan lo haya retribucion di e suma cu nan no mester a paga, pero e luna siguiente atrobe un suma di mas cu mil florin, den varios caso, ta wordo kita for di belasting y e caminda di cruz ta sigui, pasobra cada bez e contribuyente mester bay bek pasobra nan no ta hayando e placa bek, ni cu nan a wordo yuda cu e problema.

Nan ta bisa e cliente cu unico cos cu e por haci ta yega na un areglo di pago, cual ta masha inhusto mes, siendo cu sea nan haci fout of DIMP a haci fout, tin un suma cu nan no debe gobierno!

Belasting ta pronk cu nan sistema ta automatiza y tur cos ta bay automatico, pero si ta asina bon anto e tipo di foutnan aki no mester sosode.

Director di DIMP recientemente a bisa na radio, cu ora nan tin fayo mesora nan ta dreche. Gañamento esey ta! Nan mester stop di gaña, pasobra nada no ta wordo drecha lihe.

Mescos ora e PR ta duna informacion na prensa, cu e ta bisa cu nan ta pagando retribucion di tres aña atrasa, pareu. Pero no ta berdad tampoco. Mas gañamento!

Tin hende cu ta wardando no menos cu e retribucion di cinco aña cu nunca nan a haya. No ta un ni dos, hopi e pagadornan di belasting cu ta tuma contacto cu nos redaccion pa duna nan opinion, y pa puntra ta ki sorto di profesionalnan (sin generaliza claro) ta trahando den DIMP, cu cada bez tin cosnan pa cuestiona cerca e hende chikito.

- Advertisement -

DUNA COMENTARIO

Please enter your comment!
Please enter your name here