Home Turismo Hopi turista no tin idea unda ‘Main Street’ di Aruba ta situa

Hopi turista no tin idea unda ‘Main Street’ di Aruba ta situa

73
0
SHARE
— Actual borchi pa indica unda Mainstreet ta. Parce cu turistanan no ta mire.
- Advertisement -

ORANJESTAD (AAN): Bo ta kere e momento a yega pa Aruba pone su mihor designers den un competencia, pa mira ken lo bin cu un mihor concepto y diseño, den forma di un borchi pa mustra turistanan unda “Main Street” di Oranjestad ta situa?

DIARIO a mira publicacionnan di Curacao, unda nan a saca potret na monton pa pueblo mira con yen Willemstad tabata riba Dialuna cu barconcn crusero.  Punda y Otrabanda tabata yen di turista haciendo compras.

— Kizas un borchi asina ta mas visible y comprendible.

Diamars, dos di e mega barconan aki a yega Aruba y inmediatamente e area di Lloyd G. Smith Boulevard, area dilanti Royal Plaza Mall, y Renaissance Mall, y Havenstraat tabata yen-yen di turista canando tur caminda.

Pero Caya Betico Croes?  E “Main Street” y Caya Grandi di Aruba?  E tabata bastante bashi.  Un trahador di un restaurant den caya a splica DIARIO, cu riba Diamars casi nan no a haya turista mes eynan.

Mientras cu e demas cayanan si tabata repleto di turista.

Di con esaki ta pasando?  A bin sali na cla, cu hopi turista di barco crusero ta bao di e impresion, cu e Boulevard cu ta pasa dilanti Royal Plaza y Waf Chikito, cu ta esey ta e “Main Street”.  E pensamento eroneo aki ta pone cu pesey Caya Grandi no ta haya bishita di turistanan.

Y pa colmo, ta ser mustra cu e borchinan cu tin poni na algun cruzada pa mustra unda turistanan ta haya “Mainstreet”, ta nada atractivo, y casi bo no por ni lesa e texto di ‘Mainstreet’.

— Diamars cu 7.200 turista tog Caya Betico Croes tabata bashi.

“Nan a usa un letter type cu no ta ni bold, y ni e Mainstreet ta scondi mey-mey di boshi otro borchi cu no ta yuda e turista pa haci su decision pa yega Caya Grandi,” un persona a indica na DIARIO.

E ta mustra cu no mester inventa e wiel di nobo, y djis sigui ehemplo di Merca cu ta usa borchinan berde scur cu letternan diki y blanco, pa mustrabo una MAIN ST ta situa, y no tin problema.

E ta kere cu lo ta bon idea pa Gobierno of Asociacion di Caya Grandi organiza un competencia pa tur e miles di Graphic Designers na Aruba, pa mira ken ta bin cu un mihor borchi di indicacion pa “Main Street” pa yuda turistanan haya sa unda nan tin di cana.

Pasobra cu dos barco grandi den Waf, cu riba di 7200 pasahero riba pia, tabata un berguenza pa mira Caya Grandi hopi bashi riba Diamars.

 

- Advertisement -

DUNA COMENTARIO

Please enter your comment!
Please enter your name here