Home Hulanda Hulanda ta pone €91 miyon pa emplea mas agente policial hulandes

Hulanda ta pone €91 miyon pa emplea mas agente policial hulandes

71
0
SHARE
- Advertisement -

ORANJESTAD (AAN): Un informacion cu a caba di wordo emiti door di Ministerio di Husticia na Den Haag, ta mustra cu Polis Hulandes lo bay ricibi un solo suma di 91 miyon Euro pa por emplea mas agente policial.

Esaki ta necesario, pasobra e añanan venidero ta hopi agente ta bayendo cu pensioen, mientras cu e Polisnan nobo ainda ta den Academia pa Polis.

   HULANDA NO KIER MIRA POLIS TRAS DI LESSENAAR:

E placa por wordo usa pa e.o. pago di Overtime of contractnan externo pa trabaonan administrativo, di forma cu mas agente por bira liber y bay haci trabao di Polis riba caya.

Hulanda pues ta pensa, cu mihor nan tin Polisnan riba caya envez cu nan ta sinta tras di lessenaar den oficinanan.

Tambe e fluho pa haya Recherche nobo lo wordo acelera door di aumenta e posibilidadnan di bay haya educacion y curso.  Esaki ta loke Ministro Grapperhaus di Husticia a manda bisa Tweede Kamer riba Dialuna.

    PLACA PA HAYA POLIS NOBO:

E inversion di €91 miyon ta consisti den e €58 anuncia na Juni, y un inversion nobo di €33 miyon pa duna trabao na Polis nobo.  Manera a anuncia caba, mas di 17.000 persona lo ricibi les na Academia di Polis den e proximo añanan.  E formacion tambe lo amplia cu 1.100 agente, e Academia di Polis tambe lo amplia, y e aspirantnan lo wordo distribui mihor entre e unidadnan.

Ministro Grapperhaus a bisa: “Ta hopi necesario pa recluta Polisnan nobo y asina wanta e golpi un poco di e cantidad di hendenan cu ta bayendo cu pensioen.  E extra €91 miyon aki pa busca Polis nobo lo bay haci un diferencia substancial.  Di e forma aki nos ta trahando den un forma responsable pa reforza Polis.”

E implementacion di e placa aki ta wordo haci na nivel local pa Polisnan na Hulanda, den coordinacion cu autoridad local.  Cada unidad tin nan dificultadnan diferente, y pesey e recursonan ta wordo dividi tambe.

Noord-Nederland ta ricibi €4,4 miyon.  Oost-Nederland ta ricibi €7,8 miyon.  Midden-Nederland ta haya €5,4 miyon.  Noord-Holland ta ricibi €3,9 miyon, y Amsterdam ta haya €5,9 miyon.

Debi cu tin hopi aspirant na Rotterdam y Den Haag, esakinan ta haya extra placa, esta €7,8 miyon y €7,6 miyon respectivamente.

E unidadnan Limburg, Zeeland West Brabant, y Brabant Oost ta confrontando actualmente cu un problema di droga sintetico en combinacion cu crimen contra medio ambiente.  Pesey e unidadnan aki ta haya algo mas extra.  Limburg lo haya tambe extra placa, debi na e cantidad di Polisnan cu ta riba 55 aña di edad.

Esaki nifica en total €7,7 miyon pa Limburg, €6,2 miyon pa Zeeland West Brabant, y €6 miyon pa Oost-Brabant.

- Advertisement -

DUNA COMENTARIO

Please enter your comment!
Please enter your name here