Home Policial Lo keda monitorea e evolucion di e protocol di RST

Lo keda monitorea e evolucion di e protocol di RST

197
0
SHARE
- Advertisement -

Segun Sindicato SPA:

ORANJESTAD   (AAN): Sindicato SPA a tene un reunion cu su miembronan na Club POVA na Barcadera. Den e reunion aki tabata tin mucho mas polis cu e ultimo reunion di dialuna, cual a resalta mas ainda.

Jose Dirksz, presidente di e sindicato a splica cu nan tabata tin un siman basta pisa tras di lomba. E siman a cuminsa cu e problema di e protocol di RST. Tabata tin dos reunion e siman aki cu e minister di husticia. E reunion di awe tabata ter info di e dos reunionnan ey.

Dirksz a splica en corto di con e dos reunionnan a bay. Esun di RST ta pa aclarea, unda cu e minister ta keda para cu e protocol cu ta wordo handhaaf awor aki ta esun di 2002.

Si tin un protocol nobo den pipeline, pero esey no a wordo treci na Aruba ainda. Esey lo sosode entre November y comienso December e lo yega. E minister a priminti cu manera cu e yega, e lo pasa parlamento y despues pasa pa SPA pa por tira un bista riba dje.

E preocupacion ta grandi pasobra ningun hende no sa kico ta bay pasa, ni kico ta bay bin cun’e.

En corto, Dirksz a splica cu hunto cu e sindicatonan di Corsou y St. Maarten, ta riba un solo liña ta bezig ta monitor full e procedura aki. E caso aki no ta un problema di Aruba so, sino practicamente den full Antias. Ta pesey mes dentro di pronto lo bay reuni cu e colega di e sindicatonan di e otro islanan pa ta riba un solo liña, pa nada no cay di sorpresa.

E ta mustrando pa ta den bon caminda.

Por mira di parti di gobierno tin boluntad, pero esey no ta nifica cu no por bay keda sin monitor.

Den e parti ey tur e sindicatonan lo bay keda monitor e evolucion di e parti di e protocol di RST. Tambe loke a atende, ta un reunion di diahuebs. Tin varios luna largo ta bezig ta negoshando cu minister un protocol nobo. E idea ta pa atende e beneficio di e polisnan cu ta kedando atras, por ehempel e bon di cuminda, cu practicamente cu 12,50 ni un cuminda malo por come. E polis tin cu contribui acerca.

E minister a admiti cu polis ta mal paga y tin cu haci algo, mirando tur e desaroyonan cu ta pasando awor aki. Tur esey ta ancra den e protocol.

SPA ta spera cu diahuebs toch lo a bay tin un impasse entre e minister y sindicato y ta bon mes e ta canando bon.

Practicamente ta den e ultimo fase di e protocol cu ta bay wordo firma entre sindicto di polis y minister di husticia.

Dirksz a splica cu no por papia di algo cu nan no tin siguransa di dje ainda. E temor ta cu no pa sindicato di polis so, pero esun di Antias tambe, cu RST lo por bira un organo riba su mes, cu e por haya su mesun autoridad, mescos por ehempel Landsrecherche y Guarda nos Costa.

Por haya cu conflicto pasobra letterlijk tin dos “gewapende macht” banda di otro y esey sigur sigur por trece problema.

Recherche Samenwerkings Team. Nan mester por keda traha cu Cuerpo Policial, segun Jose Dirksz. Mirando e desaroyo cu a sosode cu e coleganan polis, Dirksz a splica cu minister cu den e banda ey, a sigura cu e dos cosnan ey no tin nada di haber cu otro. Esey ta su reaccion. Sindicato SPA a keda di busca mas diep.

E minister ta keda para cu e protocol cu ta bezig awor aki ta esun di 2002 y cu no tin nada nobo. SPA a bise cu lo keda monitor esaki hopi di cerca pa evita cualkier infiltracion di hende di afo den Cuerpo Policial.

 

- Advertisement -

DUNA COMENTARIO

Please enter your comment!
Please enter your name here