ORANJESTAD (AAN): Partido MEP a tuma nota di e protocol cu a firma cu Hulanda, despues di negosacionnan hopi amplio. MEP ta sumamente orguyoso y satisfecho di mira con e dos damanan Lider di Partido MEP, Evelyn Wever-Croes y Secretario General di Partido, Xiomara Ruiz-Maduro a negocia.
Den henter e proceso nan tabata transparente, informando comunidad y informando Parlamento na varios ocasion. Nan a demostra curashi y tabata sin miedo. Nan a demostra cu nan curason ta pa Aruba y ora bo ta defende un causa husto, semper bo ta vence.
Mike Eman su gobierno y su mal gobernacion a pone e Status Aparte di Aruba na peliger. El a entrega nos autonomia financiero. Awor ta na ministernan di nos partido cu mester a tene duro pa Hulanda no bolbe ranca mas autonomia for di nos, maske cu nan rason pasobra nan a wak con malo e gobierno anterior a goberna y ta mira gobernacion como un continuacion.
Sinembargo e dos damanan Lider di Partido MEP Evelyn Wever-Croes y Secretario General di Partido Xiomara Ruiz-Maduro a mustra Hulanda cu e ta coresponsabel pa loke a pasa, y asina por a guia e negosacionnan den interes di pais Aruba.
Nos ta felicita nos Gobierno di Aruba, tur e ministernan y specialmente nos Prome Minister Evelyn Wever-Croes y nos Minister di Finanzas Xiomara Ruiz-Maduro pa nan balentia y curashi y specialmente pa nan amor pa Aruba.
Mientras cu MEP ta existi, Aruba ta salba!
