Home Gobierno “Mi no a kita ningun hende di trabao ni a dicidi pa...

“Mi no a kita ningun hende di trabao ni a dicidi pa cera ningun Traimerdia”

692
0
SHARE
- Advertisement -

Minister Lampe a reacciona:

ORANJESTAD (AAN) – Tocante un informacion cu a circula relaciona cu Traimerdia, Minister di Enseñanza Rudy Lampe a reacciona, den conferencia di prensa di gobierno, Diahuebs mainta.

“Mi no a kita ningun hende for di trabao pone an riba caya desampara, manera informacion ta circula. Tampoco mi a dicidi pa cera ningun Traimerdia. Tur e servicionan cu Traimerdia ta ofreciendo ta continua, manera semper, segun e horario manera e ta aworaki.

Mayornan por ta sigur cu nan por sigui conta cu e servicio aki pa nan yiunan”, Minister Rudy Lampe a subraya.

Den e mesun rosea, e mandatario a splica kico ta e cambionan cu a surgi den Traimerdia y a cuminza expresando cu tur servicio mester actualiza nan mes, y cu cambionan grandi ta tumando lugar den mundo y no por keda haci mesun cos cu a haci binti aña pasa. E realidad ta cambiando y e muchanan cu ta creciendo, tambe ta diferente.

E mandatario ta premira cu ta bay tin un scarcedad grandi di maestro den enseñanza regular, locual por mira aworaki caba y den futuro hopi cercano, un cantidad grandi di maestro ta bay baha cu pension.

“Y nos ta spera di por sigui conta cu nan servicio despues. Cu Dios duna nan bida y salud pa nan por sigui yuda nos comunidad”, Minister di Enseñanza a expresa.

E mandatario a subraya cu e aña aki 14 studiante so a inscribi na Instituto Pedagogico Arubano (IPA), di cual ya caba menos a keda, y posiblemente pa fin di aña lo tin menos ainda. Esaki di un grupo hopi chikito cu a inscribi pa bira maestro di scol.

Mirando esaki e dignatario a reitera cu por premira cu lo tin un scarcedad grandi di maestro.

Hulanda tin e mesun problema, e dignatario a subraya, y el a cuminza tuma e pasonan necesario al respecto. Y pesey gobierno di Aruba no por spera tampoco cu por haya maestro for di Hulanda, manera antes tabata e caso y pasonan di flexibilizacion ta tumando lugar riba esaki.

“Ami tambe como gobernante tin cu tuma e pasonan necesario y pesey mes, den dialogo, nos a mira cu tin un grupo di maestro cu tin full time job, como maestro y tambe den Traimerdia tin un ‘los uuren contract’ cu aunke no ta formaliza, nan ta trahando tambe den Traimerdia.

Y enberdad, pa loke ta nan entrada ta casi e doble di e entrada como maestra y nos kier proteha nan y proteha e calidad di educacion di nos muchanan.

“Ta pesey nos a pidi nan e ora ey, mirando cu hopi maestro ta acerca mi y bisa mi cu despues cu nan a caba di para den klas, nan ta yega cas mentalmente hopi cansa”, e mandatario a menciona.

- Advertisement -

DUNA COMENTARIO

Please enter your comment!
Please enter your name here